Eddie Macken
_CSIO*****_2008.jpg)
Eddie Macken (* 20. Oktober 1949 in Granard, County Longford) is en irisch Springrieder, de besünners in de tweet Hälft vun de 1970er Johren to de weltwiet spoodriekst Springrieder tellen dee. He leevt in Vancouver, Kanada.[1]
Tosommen mit Paul Darragh, Con Power un James Kernan wunn Macken 1979 de fievte Aga Khan Trophy. Dorneben wunn he in dat Johr to’n veerten in Reeg de Britisch Meesterschapen in’t Springrieden in Hickstead un de Bronzemedaille mit de irischen Mannschap bi de Europameesterschapen. He hett an de Olympisch Spelen 1992 un 1996 as Athlet un 2004 as Trainer vun de irisch Springriederrequipe deelnommen.
Macken start överwegend in de USA un in Kanada bi Rietturnieren. 2008 nehm he as Deel vun de irisch Mannschap an de Natschonenpriesen in Hickstead un Dublin deel.[2]
