Eßel

Vun Wikipedia

Dit Woort hett noch annere Bedüden: kiek dorför ünner Eeßel.

Wapen/Flagg Koort
Wapen unbekannt
Eßel
Laag vun Eßel in Düütschland
Basisdaten
Bundsland: Neddersassen
Landkreis: Stood
Samtgemeen: Freenbeek
Gemeen: Kutenhult
Inwahners:
Postleettall: 27449
Vörwahl: 04762
Geograafsche Laag:
Koordinaten:53° 29′ N, 9° 17′ O
53° 29′ N, 9° 17′ O

Karte

Eßel (hoochdüütsch Essel) is en Dörp in de Gemeen Kutenhult in’n Landkreis Stood, Neddersassen. De Oort liggt an’n Beek Otter, de in de Oost flütt.

Geografie[ännern | Bornkood ännern]

Ut dat Moor an’n Noordrand von Eßel kaamt de Beken Pulvermöhlenbeek (flütt na de Oost) un Köhlhornsbeek (flütt na de Swing).

De Naveröörd sünd Mulsen in’n Noordoosten, Kutenhult in’n Oosten, Soors in’n Süüdoosten, Heesdörp in’n Süüdwesten un Öölm in’n Noordwesten.

Historie[ännern | Bornkood ännern]

Vör 1852 weer dat Dörp in de Böörd Mulsen binnen dat Amt Harsfeld. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

De Gemeen Eßel weer toletzt in de Tied vör 1972 Deel von de Samtgemeen Kutenhult. 1972 is de Samtgemeen Kutenhult oplööst worrn un de Gemeen keem an de Samtgemeen Freenbeek.

Eßel is an’n 1. Juli 1972 bi de Gemeenreform in Neddersassen mit de Gemeen Kutenhult tohoopleggt worrn.

Inwahnertall[ännern | Bornkood ännern]

Johr Inwahners
1824-00-001824[1] 11 Füürsteden
1848-00-001848[2] 174 Lüüd, 26 Hüüs
1871-12-011. Dezember 1871[3] 186 Lüüd, 29 Hüüs
1910-12-011. Dezember 1910[4] 203
1925-00-001925[5] 219
1933-00-001933[5] 229
1939-00-001939[5] 241

Religion[ännern | Bornkood ännern]

Eßel is evangeelsch-luthersch präägt un höört to dat Kaspel von de Petrus-Kark in Mulsen.

För de Kathoolschen weer von 1968 bet 2003 de Lukas-Kark in Freenbeek tostännig. De Kark is denn dichtmaakt worrn, üm Geld to sporen. Vondaag höört de Oort to de Karkengemeen von de Hillig-Geist-Kark in Stood. En annere kathoolsche Kark in de Ümgegend is de Michael-Kark in Harsfeld.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Oort liggt an de Landsstraat 123, de in’n Noordoosten över Kutenhult un Bargst an Harsfeld langs na Hornborg löppt un in’n Westen över Heesdörp na Bremervöör an de Bundsstraat 71 ran.

De nächste Autobahn is de Autobahn 26 (Afsnidd StoodHamborg). De Opfohrten 3 Stood-Oost un 4 Dullern doot all beid so 23 Kilometer in’n Noordoosten von Eßel liggen.

Eßel hett en lütten Bahnhoff an de Bahnlien Stood–Oosterholt-Scharmbeek, op de dat afsehn von’n touristischen Moorexpress siet 1993 aver keen Personenverkehr mehr gifft. De nächsten Bahnhööv ans sünd an de Bahnlien Bremerhoben–Buxthu. De Bahnhoff Aasp liggt söss Kilometer in’n Süüdoosten un de Bahnhoff Heesdörp söss Kilometer in’n Süüdwesten.

Scholen[ännern | Bornkood ännern]

De Kinner ut Eßel gaht na de Grundschool Mulsen-Kutenhult. Fröher harr dat Dörp ok en egen Volksschool.

Literatur[ännern | Bornkood ännern]

  • Heinz Hauschild: Kutenholz mit den Ortsteilen Aspe und Essel - früher und heute. 1983

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 176: http://books.google.de/books?id=tG0AAAAAcAAJ&pg=PA176
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142
  4. http://www.gemeindeverzeichnis.de/gem1900/gem1900.htm?hannover/stade.htm
  5. a b c http://www.verwaltungsgeschichte.de/stade.html