Dorumer Waterlöös

Vun Wikipedia

De Dorumer Waterlöös is en Waterloop in Land Wusten (Landkreis Cuxhoben).

De Waterlöös fangt in Dorum an un nimmt dor dat Water von’n Dorumer Helmer op. Von dor geiht de Waterlöös na Noordwesten un geiht twüschen Padingbüddel un Cappel dör. Hier doot de Öörd Heuhusen, Blickhusen un Kreienborg liggen. De Waterlöös nimmt de Ack un de Lemmasch op un geiht na Dorumer Neefeld. De Waterlöös is dor mit’n Riensloot verbunnen un münnt över dat Butendeep in de Werser. Över en Verbinnungsgraven is de Dorumer Waterlöös ok mit de Cappler Waterlöös verbunnen. De Graven müss in de Midd von dat 20. Johrhunnert anleggt warrn, nadem dat Cappeler Butendeep toslickt is un blots noch mit groten Opwand apenhollen warrn kunn. Dat Water ut de Cappler Waterlöös flütt nu över dat Dorumer Butendeep in de Werser un dat Cappler Siel is 1979 ganz dichtmaakt worrn.[1]

1914 sünd bi dat Reinmaken von de Waterlöös 20 Münten funnen worrn, de ut de Tied vör dat 13. Johrhunnert stammen deen. Dat weren röömsche, byzantiensche, armeensche un araabsche Münten. De röömschen Münten sünd öller ween as de annern.

Footnoten[ännern | Bornkood ännern]

  1. Renate Grützner: Der Grauwallkanal und die Folgen