Dominique Deruddere
Dominique Deruddere (* 15. Juni 1957 in Turnhout, Flandern, Belgien) is en belgischen Schauspeler, Schriever, Filmproduzent un Filmspeelbaas.
Leven un Wark[ännern | Bornkood ännern]
Dominique Deruddere füng al fröh an, sik för de Filmkunst to intresseren. Vun sien ölleren Broder leh he sik sien eerste Filmkamera. Sien eersten Film hett he mit veerteihn Johren in’t Super 8-Smallfilm-Format dreiht un keem 1975 rut. Dorna hett he en poor Kortfilmen maakt as den 16-mm-Film Bedankt Ma oder den 35-mm-Film Wodka Orange, de vör, wiel oder na sien Tiet an de Filmhoochschool entstahn sünd. In’n Snsluss hett he mit sien Jöögdfründ Marc Dridden zusammen tosamenarbeit un mit em tohopen dat Dreihbook för Brussels by Night schreven. In Istanbul speel he 1985 ok en bedüdene Rull.
1986 wull de junge Speelbaas en Vertellsel vun Charles Bukowski verfilmen, de toeerst as 30-Minuuten-Kortfilm andacht weer, aver mit Hülp vun sien Produzent to den 90-Minuuten-Speelfilm Crazy Love worrn is. Ünner den Alternativtitel Love is a Dog from Hell is de weltwiet verdreven worrn. De Film weer mehrfack uttekent. Sünners hett de Film ok de Acht vun Francis Ford Coppola op sik lenkt, de Deruddere bi’t Ümsetten vun sien nächsten Film holpen hett. De Filmfaten vun John Fante sien Debütroman Wait Until Spring, Bandini vun 1983 is in de USA dreiht worrn un weer ok weltwiet anbaden. Veel Spood harr 2000 ok sien Film Iedereen beroemd! de för den Oscar nomineert weer.
Filmografie (Utwahl)[ännern | Bornkood ännern]
| Johr | Titel | Funkschoon | Synchroonsnacker |
|---|---|---|---|
| 1975 | Oranje licht | Speelbaas | — |
| 1983 | Brussels by Night | Dreihbook | — |
| 1985 | Istanbul | Schauspeler | |
| 1987 | Crazy Love | Dreihbook, Speelbaas | — |
| 1989 | Wait Until Spring, Bandini dt:: Warte bis zum Frühling, Bandini |
Dreihbook, Speelbaas | — |
| 1994 | Suite 16 | Speelbaas | — |
| 1998 | Hombres complicados | Dreihbook, Speelbaas, Produzent | — |
| 2000 | Iedereen beroemd! dt:: Jeder ist ein Star |
Dreihbook, Speelbaas, Produzent | — |
| 2005 | Die Bluthochzeit | Dreihbook, Speelbaas | — |
| 2007 | Firmin | Dreihbook, Speelbaas, Produzent | — |
| 2014 | Flying Home dt:: Fliegende Herzen |
Dreihbook, Speelbaas, Produzent | — |
Utteken[ännern | Bornkood ännern]
Deruddere weer för sien Filmwark bit hüüt (Oktober 2015) veerteihn mol för Filmpriesen vörslahn, vun de he acht Priesen wunnen hett. Dorünner weern:
- 1987: de Joseph-Plateau-Filmprijs in de Kategorie Best belgische Speelbaas för Crazy Love
- 1987: de Prize San Sebastián in de Kategorie Best Speelbaas för Crazy Love
- 1990: de Joseph-Plateau-Filmprijs in de Kategorie Best beglische Speelbaas för Wait Until Spring, Bandini
- 2001: de Tokiekerpries vun’t Ljubljana International Film Festival för Iedereen beroemd!
- 2001: de Tokiekerpries vun’t Rouen Nordic Film Festival för Iedereen beroemd!
- 2001: de Sülvern Delfin in de Kategorie Best Dreihbook för Iedereen beroemd!
Weblenken[ännern | Bornkood ännern]
- Dominique Deruddere in de Internet Movie Database (engelsch)