Diskuschoon:Weltruum

Seiteninhalte werden in anderen Sprachen nicht unterstützt.
Vun Wikipedia

Is de Weltruum würklich dat sülve as dat Universum? Ik verstah ünner Weltruum dat Universum, blot ahn de Eer. Also allens, wat "dor buten" is. Vergliekt dat ok mit google:grenze-zum-weltraum. Schull disse Artikel nich beter ünner Universum stahn? --::Slomox:: >< 15:33, 16. Jun. 2008 (CEST)[anter]

Dat is en tyypsch minschliche Ansichtswies... De Eer is ’n lütt Stoffkoorn in’t Universum un dor liggt se ennerworrns binnen. Gifft an sik keen Grund, de Eer as wat sünners antosehn – wenn man eenmol dorvun afsütt, dat wi op ehr leeft. Un vun den Woortsinn sülvst: Weltruum - dat is also de Ruum, de de Welt umfaten deit. Is also synonym to Universum, Weltall, Kosmos oder wat dat noch allens gifft. Tomindst, wenn een wetenschopplich exakt ween müch...
Dat de meisten Lüüd dat woll in den Sinn bruukt, dat dat Weltruum allens „dor buten“ is, dor hest Du seker recht. Aver dat is an sik nicht richtig. --Iwoelbern 15:57, 16. Jun. 2008 (CEST)[anter]
Solang 100 % vun all de Wikipedia-Lesers Minschen sünd, köönt wi woll ok mit dissen Minschen-POV leven ;-)
Un dat feine is ja: Dat is blot de Utdruck Weltruum, de dissen POV, disse Sichtwies hett. De Utdruck Universum maakt keen Ünnerscheed twischen Eer un Nich-Eer. Du kannst seggen Ik fleeg in'n Weltruum, aver Ik fleeg in't Universum geiht nich. Denn in't Universum weerst du ok al vörher, de Weltruum fangt eerst bi 100 km an. --::Slomox:: >< 18:48, 16. Jun. 2008 (CEST)[anter]
Man ok blots wiel dat en poor Bürokraten so fastleggt hebbt. Wat se dorbi vergeten hebbt sünd blots all de annern Himmelskörpers. Tellt de Venus ok nich to’n Weltruum? Liggt de Grenz dor ok bi 100 km? Oder gellt dor wat anners? (De 100 km warrt jo ok nich mol vun all gliekermaten acht). Wat is bi de Gaslaneten - de hebbt nich mol en faste Bavenflach, vun de ut man meten künn... Vun mi ut schuuv dat - as dat opletzt allens dat glieke is, is dat ok egal, ünner wat vun Begreep dat steiht. Ik harr an sik blots Weltruum nahmen, vun wegen dat dat’n plattdüütsch Woort is. --Iwoelbern 19:02, 16. Jun. 2008 (CEST)[anter]
Dat mit de Bürokraten is jüst dat sülve as mit'n armen Pluto. Weltruum is allens dor buten, blot wi nich is eenfach en pragmatische Sicht. Universell sehn is de Ünnerscheed belanglos, aver uns Spraak hett ja en Sitz im Leben. Universelle Wohrheiten sünd faken in de Praxis eenfach blot unnödig. De newtonsche Physik is universell sehn eenfach blot verkehrt. De einsteinsche Physik is villicht ok noch nich de universelle Wohrheit, aver op jeden Fall dichter bi as Newton sien. Aver in de Levenspraxis sünd de Relativitätseffekte so roor, dat Newton sien Gesetten eben doch bruukt warrt. Wenn ik na de Venus will, mutt ik en Ruumantog hebben, wenn ik na Aldi will, nich. Ok wenn dat ut universelle Sicht allens beids Reisen dör dat Weltall sünd ;-)
Wenn wi dat latiensche Universum nich hebben wüllt, denn köönt wi ja man ok Weltall oder blot All bruken. Weltall warrt welk Tieden ok för allens buten bruukt, aver de meiste Tied is de Eer dor mit binnen.
Wi könt ja mal verglieken:
De Eer liggt in't Universum. Disse Utsaag warrt üm un bi 100 % vun de Lüüd tostimmen.
De Eer liggt in'n Weltruum. Ik schätz mal, dat dor so opminnst 50 % vun de Lüüd wedderspreken doot.
De Eer liggt in't Weltall. Swoor to seggen. Aver ik denk mal, dat kene 100 % tostimmt, aver düüdlich weniger as 50 % wedderspreken doot. --::Slomox:: >< 20:17, 16. Jun. 2008 (CEST)[anter]
Dat geiht denn woll in de Philosophie rin, wat een nu för richtig hollt un wat nich. Söök di wat ut... för mi is dat allns dat glieke. --Iwoelbern 20:38, 16. Jun. 2008 (CEST)[anter]
Aldi un Venus - wat en Vergliek. Düchtig lacht hebb ik. Eastfrisian 21:52, 16. Jun. 2008 (CEST)[anter]