Diskuschoon:Vermögen (Physik)

Also, ik weet jo nich... je fakener ik disse Siet bekieken do, üm so weniger gefallt mi de Översetten as Vermögen. Ik harr dat as Leistung laten. Ünner Vermögen verstah ik wat anners, neemlich wenn een wat kann oder to wat in de Laag is, in’n Sinn vun „Fähigkeit“ - dat is nich dat sülve, as dat wat hier meent is. --Iwoelbern 00:56, 11. Feb. 2008 (CET)

Ik hebb dat trückschaven. Op Nedderlannsch heet dat ok so. Un Vermögen in den Sinn vun "Fähigkeit" is jüst dat, wat mit Leistung meent is. Un mit en "-ung"-Woort fohrt wi nich beter. HeikoEvermann 08:24, 15. Aug. 2008 (CEST)

Dat övertüügt mi nich, tomal in'n Sass dat Verb leisten ok as „leisten“ bruukt warrt oder „tostannen bringen“. Vun „vermögen“ kann ik dor nix lesen. Dat de Nedderlänner dat so seggt, heet jo nu nich dat dat op platt ok so heet. De Skandinaavschen seggt t. B. „Effekt“ - dat drückt al veel mehr vun de Woortbedüden ut. De Fähigkeit is för mi ok nich dat sülve. Dat is, wat ik to leisten instannen bün, wiel Leistung dat is, wat ik wohrhaftig leisten do. Dat is wat anners. Klor, ik mag de Wöör mit dat -ung an'n Enn ok nich geern, manchmol geiht dat aver nich anners. „Spannung“ steiht in den Artikel ok binnen. Dat lett aver sik ok nich anners maken. Oder hest Du Vermögen ennerworrns in en Text funnen? Wenn een dat wieterspinnen deit, denn föhrt dat bi Leistungsfähigkeit op „Vermögensanlaag“ – dor sünd wi al meist in't Bankengewarf... und wat maakt wi ut Leistungsvermögen? --Iwoelbern 09:02, 15. Aug. 2008 (CEST)

Ik hebb mal in't middelnedderdüütsch Lexikon rinreken:

• vermogen: "vormogen, unreg. v. 1. intrans. vermögen, die Kraft haben, im Stande sein. 2. trans. vermögen, Gewalt haben über, bewältigen können, zwingen k., überreden k., veranstalten k., leisten k.; v. Gesetzen, Documenten etc.: rechtskräftig besagen. 3. refl. kräftig, geschickt sein, sich wohl befinden."
• "lêsten, leisten, sw. v. 1. leisten, einer Verpflichtung nachkommen, sie erfüllen; dach l., auf erfolgte Citation sich stellen; ich als Geisel stellen zum Einlager, »Geiselschaft leisten«, obstagium servare. 2. l. vor, sich verbürgen."

För mi süht dat so ut, dat de Sinn vun Hoochdüütsch "Leisten" (so as in schaffen, arbeiten) op Platt nich originaal is. Mien Etymoloogsch Lexikon (hoochdüütsch) meent to leisten "Die neuhochdeutsche Bedeutung aus 'ein Gebot o.ä. befolgen".

HeikoEvermann 13:44, 15. Aug. 2008 (CEST)

Dat mag woll wesen, dat de Woortsinn vun’t Hoochdüütsche "leisten" op platt nich original is. Aver ut dat, wat ik dor rut lees, is vermögen nipp un nau dat, wat ik dorünner verstahn heff, un nicht dat, wat de physikaalsche Sinn vun "Leistung" is. Dat original Plattdüütsche is woll eher tostannen bringen, man dor kannst keen ordig Substantiv ut maken. Dat Problem geiht los bi tosamensette Wöör, as ik baven al Bispelen schreven heff. Noch’n Bispeel: "Leistungssport". Översett as Vermögenssport? "Leistungsnachweis" --> Vermögensnawies? Dat hett nix mit platt to doon... --Iwoelbern 17:00, 15. Aug. 2008 (CEST)

Ah, wi kaamt vöran. Hoochdüütsch "leisten" is nich originaal Platt. Hier geiht dat nu üm den physikaalschen Begreep. Hier geiht dat nich um Leistungssport oder Leistungsnachweis. Un den Leistungssport gifft dat ok bloots op Hoochdüütsch. Op Ingelsch gifft dat gor keen Woort dorför. HeikoEvermann 17:29, 15. Aug. 2008 (CEST)

Hier geiht an’n Enn dat üm den Begreep Leistung. Un dormit geiht dat aver sülvstverständlich ok üm de Wöör Leistungssport un wat dat anners noch gifft - dat is vun’n Sinn her neemlich jüst dat glieke un bruukt dorüm jüst so ok’n Lösen. Un wenn dat Leistungssport nu in’t Engelsche nich gifft, denn nehm en annert Woort, woneem Leistung in vörkummt. Dat is aver jo ok egal, vun wegen, dat dat Woort Leistung ut de Physik nu mol ut dat Hoochdüütsche kummt. Wenn dat in’t Plattdüütsche keen Woort dorför gifft, denn mööt wi en Frömdwoort nehmen. Nu kann ik nich insehn, worüm dat Nedderlännsche Frömdwoort beter wesen schall as dat Hoochdüütsche? Un nix anners is dat: en Frömdwoort. Vöran kamt wi dor noch nich wirklich. Villicht gifft dat en fein plattdüütsch Woort, aver Vermögen geiht an de Saak vörbi. --Iwoelbern 17:47, 15. Aug. 2008 (CEST)

De Ünnerscheed is: bi Vermögen hebbt de Nedderlänner en vun jemehr egen Wöör nahmen. Dat köönt wi ok. Dat is keen Frömdword. Aver ok dat Verb "leisten" gifft dat op Platt nich. Ok Neuber (de in sien Wöhrner Wöör vör vele Saken wat hett), hett dor nix för. Wenn wi dor dat Verb "leisten" importeert un denn ok noch as Abstraktum, denn is dat nich goot. Un in de Foorm "Leistung" is dat för de Klooksnackers vun de Hoochdüütschen doch de Bewies, dat Platt för moderne Saken nich to bruken is, wieldat de de Wöör dorför gor nich hebbt. Nochmal: wi bruukt hier nich all de annern Problemen to lösen, de dat mit Hoochdüütsch gifft. (Kiek t.B. in de hoochdüütsche Wikipedia op [1], dor gifft dat en hele List. Meist allens is Dummtüüch, Behördendüütsch, dat bruukt een op Platt nich. HeikoEvermann 19:48, 15. Aug. 2008 (CEST)

Heiko, hest Nahrichten keken (wegen Behördendüütsch)? :-)

Nee, hebb ik nich. Aber de annern Wöör op "Leistung-" sünd all tosamen Tüünkraam. Eastfrisian, wat meenst Du: Leisten oder Vermögen. Oder hest Du noch en annere Idee? HeikoEvermann 20:07, 15. Aug. 2008 (CEST)

Wenn Du lever de Problemfäll buten vör laten wull, denn kann ik dat verstahn. Man, Begrepen un Saken, de dat in dat Land gifft, woneem Platt snackt warrt, hebbt jemehrn Platz in en Nakieksel, egal wat dat nu blots wat op Behörden gellt oder ok annerswo. Dor geiht nix üm rüm. Dat to’n een.

Vermögen mag en Woort ut de egen Spraak wesen, warrt hier aver in en frömme Bedüden bruukt. Dat heff ik mit Frömdwoort meent, as Du Di denken kannst. Dat is un blifft un de nedderlänsnchen WP afkeken, vun wegen dat dat op platt keen Woort gifft. Wat nu goot is oder slecht, dat is nich an uns twee beiden, dat fasttoleggen, man in en Nakieksel schall de Wohrheit afbillt warrn. Un wenn de Wohrheit is, dat wi op Platt keen Woort dorför hebbt, denn mööt wi dormit leven. Wat hoochdüütsche Klooksnackers dorto meent, kann uns jo nu schietegal wesen. Plattdüütsch weer nu mol nich de Spraak vun de Wetenschopplers un kloken Lüüd. Dat sik Fachbegrepen dorüm nie utbillt hebbt is keen Schannen un ok keen Wunner...

Du finnst dat nich goot, en Woort to importeeren. Kann ich nix an doon. Man bruukt warrt dat in'n Alldag al so. As Slomox dat ok al faststellt hett. Ik heff bi uns Öllern in Huus ok al mit Elektrikers to doon hatt - all plattdüütsch vun Huus ut. All seegt se Leistung und Spannung. Keeneen seggt Vermögen... Is nu mol so. Aver wi warrt dor nich wieter kamen. Schaad, dat anners nümms Ansichten dorto hett... --Iwoelbern 20:26, 15. Aug. 2008 (CEST)

keen Enn bi rutkamen...

Ik harr den Artikel mol op Leistung (Physik) schaven, wat Heiko wedder torüchnahmen hett. Dat Lemma gefallt mi aver jümmer noch nich, un ik bün ok jümmer noch övertüügt, dat keen Minsch dit Woort dorför bruken deit un dat dat so nich stahn blieven kann. Nu hebbt wi dor veel över diskuteert, un nix dorvun övertüügt mi. Dat Problem is man, dor steiht een Menen gegen en annere. Dorüm müch ik doch geern mol weten, wat de annern to dat Lemma seggt... --Iwoelbern ✍ 00:06, 25. Feb. 2009 (CET)

Dat is tämlich klaar, dat de normole Plattdüütsche dor Leistung för nehmen dö, un nich Vermögen. Ik begriep ok den fachlichen Unnerscheed vun Leistung un Vermögen: Dat een is, wat een kann, mööglicherwiese tostanne bringt, dat annere is, wat een worraftig tostanne bringt (wat he leisten deit). Man villicht is dat al hoochdüütsch dacht...Bavenhen gefallt mi dat Woort leistung ok nich, man nich wegen dat -ung. Wie weer dat denn, wenn wi dat Hollansche mol weglaten döen, un us an dat Engelsche holen döen? Dor heet dat ja Power (physics). Wi weer dat denn mit Macht (Physik)? Kraft weer vun't Woort her woll ok mööglich, man vun'n Woortsinn is dat woll wat anners.--Bolingbroke ✍ 00:26, 25. Feb. 2009 (CET)

De skandinaavschen Länner bruukt all Effekt (Physik). Dat weer woll ok noch’n Mööglichkeit. Macht geiht vun’n Woortsinn in de glieke Richt as Vermögen un stellt mi dorüm ok nich tofreden. Defineert is dat as Energie oder Arbeit in’n Tietafsnitt, also nipp un nau dat, wat toweeg bröcht worrn oder even leist worrn is. Dat is nich hoochdüütsch dacht, dat is rein physikaalsch dacht. Weet nich villicht een noch’n Synonym för Leistung? --Iwoelbern ✍ 00:49, 25. Feb. 2009 (CET)

Jümmers noch nich tofreden

Un ok mit dit Lemma bün ik jümmers noch nich inverstahn. Vermögen is na mien Ansicht jümmer noch groten Blöödsinn. Dat is nich Plattdüütsch, dat is free utfunnen, vun wegen dat wi keen egen Woort dorför hebbt. Aver Vermögen dröpt den Karn vun de Saak nich. Mit so'n Wöör schriev ik keen wetenschopplichen Artikel. --Iwoelbern ✍ 03:23, 8. Aug. 2010 (CEST)