Diskuschoon:Oscars 1929
Dat Woord Verlehen gefallt mi nich so. Dat is direkt so von dat hoochdüütsche Verleihung övernahmen, aver mi dücht, dat gifft dat so op Platt nich. Un egentlich is leihen op Platt doch lehnen un nich lehen, oder? Köönt wi dissen Artikel nich eenfach Oscars 1929 nömen?
Ok in annere Artikels gefallt mi dat Woord nich so. Alternativen sünd, dor eenfach Pries to schrieven oder to'n Bispeel Utgaav (Bispelen, dat dat so bruukt warrt: [1], [2]).
Bispelen:
- in Golden Globe: De Golden Globe-Verlehen gifft dat siet 1944. --> De Golden Globe warrt siet 1944 utdoon.
- in Düütsch Sportafteken: De Verlehen is verbunnen mit en Oorkunn . --> Dat Afteken is verbunnen mit en Oorkunn.
- in Albert Einstein: Üm de Verlehen vun’n Nobelpries för dat Johr 1921 geev dat Striet --> Üm den Nobelpries för dat Johr 1921 geev dat Striet
--::Slomox:: >< 17:12, 5. Mai 2012 (CEST)
- Ik bruukt dat Woort fakener so as ik dat hier maakt heff. Ik heff mi dor noch keen Gedanken över maakt hatt, wat dat vun’t hooch- oder plattdüütsche is. Mit de Schrievwies lehnen hest du woll recht. Dor heff ik wat verkehrt övernahmen.
- Eenfach Oscars finn ik 'n beten mau. De Artikel schall jo ok wat vertellen to de Veranstaltung sülvst. Aver wenn di Verlehnen nich gefallt, denn finnt wi seker noch wat anners. Oscarvergaav villicht? --Iwoelbern ✍ 17:49, 5. Mai 2012 (CEST)
- So, wat is nu? --Iwoelbern ✍ 08:28, 7. Mai 2012 (CEST)--Iwoelbern ✍ 08:28, 7. Mai 2012 (CEST)
- Ik harr an sik geern mol en Antwoort hatt, wat nu warrn schall. Dat is jümmers dat glieke Problem in dit Wiki. Dor kamt Diskusschonen op, aver warrt nich to Enn maakt… --Iwoelbern ✍ 14:41, 7. Mai 2012 (CEST)
- Mien Favorit is jümmer noch Oscars 1929. De Titel slütt ja nich ut, ok över de Veranstaltung an sik wat to schrieven. Vergaav is beter as Verlehen, aver gefallt mi ok nich so dull. För Vergaav is bi Google ok blots een Steed to finnen, an de dat so bruukt warrt ([3]), wat för so en Woord nich besünners veel is. --::Slomox:: >< 15:23, 7. Mai 2012 (CEST)
- Nee, utsluten deit dat dat nich, aver akkerat den Inholt beschrieven deit dat dat ok nich. To Noot künn wi dat nehmen, aver villicht gifft dat noch wat, dat beter passt. --Iwoelbern ✍ 00:27, 8. Mai 2012 (CEST)
- Mien Favorit is jümmer noch Oscars 1929. De Titel slütt ja nich ut, ok över de Veranstaltung an sik wat to schrieven. Vergaav is beter as Verlehen, aver gefallt mi ok nich so dull. För Vergaav is bi Google ok blots een Steed to finnen, an de dat so bruukt warrt ([3]), wat för so en Woord nich besünners veel is. --::Slomox:: >< 15:23, 7. Mai 2012 (CEST)