Diskuschoon:Norwegen

Mol en Fraag to de Fylkes: Dor hebbt wi nu all de Artikels un Lenken, woneem de Betekent "Amt" binnen steiht. Ik kann aver narms en Henwies dorop finnen, woneem de Beteken herkummt. In de annern Wikis warrt vun "Provinz" snackt - ok in de norweegschen Wikipedia. Un ok in Norwegen sülvst warrt dorto Provinz seggt, as ik dat jüst in’n Urlaub mitkregen heff. Schüll man dat nich beter op "Provinz XY" ännern? Oder villicht "Fylke XY" oder "XY (Fylke)"? --Iwoelbern 09:54, 28. Jul. 2008 (CEST)

Naja, de Dinger hebbt bet 1919 ok in Norwegen Amt heten. 1919 hebbt se denn den ne'en Utdruck fylke wählt. Se harrn ja kort vörher de Union mit Däänmark oplööst un wullen sik nu 'renorwegiseren'. Amt weer en däänschen Utdruck un schull weg. An de Funkschoon vun de Ämter hett sik mit dissen Naamwessel nix ännert. Amt un fylke bedüüdt datsülve, dorvun heff ik Amt nahmen. Fylke wull ik nich nehmen, dor weet doch keeneen, wat en fylke wesen schall. Ünner dissen Utdruck kann sik nüms wat vörstellen. Ünner Provinz köönt sik de Lüüd al ehrder wat vörstellen, aver ok Provinz is en temlich wieden Begreep. Amt drippt dat opbest. --::Slomox:: >< 12:55, 28. Jul. 2008 (CEST)

Worbi dat en Artikel Fylke gifft. Aber ik würr trotzdem dat "Amt" behollen. Eastfrisian 14:05, 28. Jul. 2008 (CEST)