Diskuschoon:Miegröhr

Seiteninhalte werden in anderen Sprachen nicht unterstützt.
Vun Wikipedia

De Artikel is in de Kategorie:Geslechtsorgan. Stimmt dat? En Harnröhr hebbt Mannslüüd un Froonslüüd all beid un to'n "Babys maken" warrt de ok nich bruukt. In wat för'n Sinn is dat en Geslechtsorgan? --::Slomox:: >< 20:55, 25. Sep. 2010 (CEST)[anter]

Un Harn is en rein hoochdüütsch Woord. Steiht tominnst in mien Etymoloogsch Wöörbook. Hoochdüütsch Harn is verwandt mit plattdüütsch Scharn (wat ik aver ok noch nie höört heff). Dor mutt noch en anner Woord her. Utdenken will ik mi aver nix, dor gifft dat ganz gewiss al en Woord för. Dat mutt blot een vördag bringen ut de Wöörböker. --::Slomox:: >< 21:00, 25. Sep. 2010 (CEST)[anter]
1) Ok hier is de Kategorie ut de hoochdüütsche WP övernahmen. Dat maakt aver Sinn. To’n een warrt vun Uro-Genitaltrakt snackt. De Harnröhr warrt opletzt denn doch to’n Kinner maken bruukt (bi Mannslüüd tomindst), vun wegen dat de Spermien jo op jichtenseen Weg na buten mööt. Mi stellt sik mehr de Fraag, worüm dat en Organ wesen schall. Aver ik bün keen Dokter un verlaat mi dor op de:WP.
2) Wenn du dorför en plattdüütsch Woort för finnen deist, kannst dat geern ännern. Steiht in de Twüschentiet aver al in vele Artikels as Harn binnen. Man kann ok op Urin ännern, dat is ok nich platt, aver mit sien latiensche Afstammen villicht as Frömdwoort beter to verdrägen. An plattdüütschsten dücht mi an’n ehsten Piss, man dat is woll mehr Ümgangsspraak un ok nich jüst egent. --Iwoelbern 21:14, 25. Sep. 2010 (CEST)[anter]
Plattdüütsche Wöör dorför sünd: Mieg, Piss, Pinkel, Seech un Water. Water geiht natürlich nich as Woord un Piss un Pinkel sünd mehr informell. Aver Mieg un Seech geiht. Wenn du allgemeen en Woord för Harn söchst, denn is Mieg mien Favorit. För Harnröhre versöök ik noch en Nawies to finnen (Miegröhr kann ik op jeden Fall narms finnen). --::Slomox:: >< 23:11, 25. Sep. 2010 (CEST)[anter]
Mieg is’n Woort wo ik wat mit anfangen kann, also heff ik ok al höört. Nawiesen för so sünnere Wöör warrt nich eenfach wesen, dat geiht in’t Rebeet vun de Fackwöör, wat een nu nich so faken in de Literatur finnt. Wat maakt wi also, wenn nix to finnen is? --Iwoelbern 23:19, 25. Sep. 2010 (CEST)[anter]
Wat mi jüst infallt: wat maakt wi mit de annern Wöör, de mit Harn tosamensett warrt: Harnstoff, Harnsüür ... Bi Harnstoff heff ik sehn, dat vele Wikis Urea nehmt, wat de latiensche Naam is. De Nedderlänners hebbt Ureum, de Dänen seggt Urinstoff. --Iwoelbern 00:34, 26. Sep. 2010 (CEST)[anter]
För Harnstoff un Harnsäure gifft dat wohrschienlich keen plattdüütsch Woord. Mi dücht, dat beste is, wenn wi toeerst na dat Woord för Harnröhre kiekt. Wenn dor denn Mieg- oder Seech- in vörkummt, denn nehmt wi dat Woord ok för de Harnsäure.
Bi den Harnstoff weet ik nich.
Bi de Harnröhre kunn ik mi as Neologismus Miegpiep vörstellen. Aver dat weer man beter, wenn wi dor en Begreep hebbt, den dat al gifft. --::Slomox:: >< 01:53, 26. Sep. 2010 (CEST)[anter]
Dat maakt nich veel Sinn, een Woort to ännern, un annere to laten. De Wöör sünd ut Harn un noch wat tosamensett. Wenn Harn hoochdüütsch is un nicht bruukt warrn schall, denn mööt wi dat bi all Wöör ännern. Miegsüür oder -stoff weer denn woll nich verkehrt. Aver bi Miegpiep mutt ik denn doch smuustern. Piep seggt bi uns nümms, ik kenn't an sik blots as Rühr (oder Röhr na Sass)... --Iwoelbern 02:11, 26. Sep. 2010 (CEST)[anter]
Piep heet Röhr, jüstso as engelsch pipe. Un en Lungenpiep is en Bronchie.
Wenn Harn hoochdüütsch is un nicht bruukt warrn schall, denn mööt wi dat bi all Wöör ännern. Dor bün ik ok för. Bi Harnstoff weet ik aver nich, wat wi dor maken schöölt. Miegstoff oder villicht doch Urea? Mien Gedanken is, dat wi - wenn wi al nee Woordmaterial schafft - kiekt, dat wi Wöör nehmt, de ok op nedderlandsch Neddersassisch wat döggt. Un Miegstoff lett doch temlich as en Germanismus. --::Slomox:: >< 02:29, 26. Sep. 2010 (CEST)[anter]
Ha, den eersten Nawies heff ik nu funnen! Jahrbuch des Vereins für niederdeutsche Sprachforschung 1904, S. 13 (Versuch eines Quedlinburger Idiotikons). Kummt aver keen Mieg un keen Seech un ok ans keen Woord för Piss in vör: Nüll(e). Heff ik ok al in annere Wöörböker sehn, stünn dor denn aver as Penis in. --::Slomox:: >< 03:10, 26. Sep. 2010 (CEST)[anter]