Diskuschoon:List vun de Schaaprassen

Ik fraag mol an düsse Steed. Denn mütt wi dat nich bi jede enkelte Raass wedder besnacken: Wie schöllt wi dat mit de Naams in annere Spraken maken? Slomox hett vunwegen dat Zwartbles nafraagt. Dat warrt in de düütsche Wikipedia unner den nedderlannschen Naam föhrt. Schöllt wi dat ok so holen oder wüllt wi de Naams platt maken? Dat gellt denn ok för Scottish Blackface etc. De Dütschen hefft jedenfalls tomeist de Naams ut de Länner, wo de Schaap herkamen doot. An un for sik, hefft wi dat in use Naamskonventschoon ja ok so afsnackt. Is avers jummer wedder to fragen...---Bolingbroke 21:10, 6. Apr. 2008 (CEST)

Wenn wi Naams finnen künnt, de ok in’t Nett staht, denn schüllt wi lever de plattdüütschen Naams nehmen, meen ik. Un de utlännschen as Wieterleiden behollen. --Iwoelbern 21:22, 6. Apr. 2008 (CEST)

Dat kummt ok jümmer op den Naam op an. Zwartbles bedüüdt Swartbless un dat Schaap hett sien Naam vun sien swarte Bless. Dor maakt dat doch Sinn, dissen Naam ok so to bruken. Wenn nu aver dat Scottish Blackface sien Naam na Lord Blackface of Scotshamdale hett, de jem toeerst tücht hett, denn schöölt wi dor lever keen Swartsnuut vun maken. Es sei denn, de ole Lord is ut de Lümbörger Heid na England inwannert un hett sien Naam Kuddel Swartsnuut bi de Inreis na England na Blackface ännert! Dat kummt jümmer ganz op an, wo groot de Charakter as Naam is oder wat dat nich villicht doch mehr en Beschrieven as en Naam is... --::Slomox:: >< 21:39, 6. Apr. 2008 (CEST)