Diskuschoon:Harald Ringsdörp
Hm, ik mag dat meist ja gornich mehr seggen, aver de Harald is doch en Plattsnacker, oder? Müss he nich Ringsdörp heten? Google gifft ok tominnst een Siet, de dat bruken deit. Schall ik mal versöken, bi Ringsdörp sien Kontoor to fragen, wat he sien Naam op Platt Ringsdörp oder Ringstorff utspreken deit? --::Slomox:: >< 16:03, 25. Jun 2007 (CEST)
- Na mien Ansicht kummt dat nich dorop an, dat he platt snacken deit (wobi ik dat ok nich weet), man dorop, ünner wat vun Naam he bekannt is. Ünner den Naam schüll de Artikel stahn. En Wieterleiden kann man jo tosätzlich inrichten. --Iwoelbern 16:23, 25. Jun 2007 (CEST)
- Bekannt. Jo, wenn he bi de Lüüd in Wittenborg fröher as de lütte Ringsdörp bekannt wesen is, denn dröfft wi dat doch nich eenfach ünnern disch kihren, oder? Wiederleiden vun sien hoochdüütsch Naam is ja man ok mööglich.
- Aver dat is ja doch allen spickeleern, ik heff em nu schreven un em sülvs fraagt. Mal sehn, wat he schrieven deit. --::Slomox:: >< 16:59, 25. Jun 2007 (CEST)
- So heff ik dat ok meent. Aver ik wüss nich, dat Du sien Adress hest. :-) --Iwoelbern 17:24, 25. Jun 2007 (CEST)
- De steiht hier. :-) --::Slomox:: >< 17:37, 25. Jun 2007 (CEST)
- Ik glöv, Artikels van Politikers ut den Noorden schriev ik nich mehr :-) .Eastfrisian 18:24, 25. Jun 2007 (CEST)
- Och wat, is jo man blots en beten schuven. De Inholt warrt dordör jo nich verkehrt ;-) --Iwoelbern 18:43, 25. Jun 2007 (CEST)
- Ik hebb eerst Mal een Artikel över een Indianerstamm schreven, de sünd wiet genog weg. Aber hebb man kien Bang - ik schriev wieter. Eastfrisian 19:26, 25. Jun 2007 (CEST)
- Schöölt wi de Bröder nich lever Schoschonen nömen? ;-) Nee, wied noog weg weer dat noch nich! --::Slomox:: >< 19:39, 25. Jun 2007 (CEST)
- Ik meen, dat geiht överhaupt nich so. Dat is egol, ob de Mann nu Platt snacken kann oder nich. Wichtig is ok nich, wat se in sien Heimotdörp to em seggt hefft. Wichtig is bloß man, ünner wat vun Naam he bi'n Standesamt indragen is. Anners mössen ja de ganzen Plattdüütschen, de ehr Vör- un Tonaams wi hier so schöön upföhrt, jem ehren Naam in't Hoochdüütsche ännern, wenn se Hooch snackt oder wenn in jem ehr Stadt Hooch snackt warrt. Man dor blifft Heike ok Heike un Alke blifft Alke un Herr Pannkoke blifft Herr Pannkoke un Herr Schomacker blifft Schomacker. Laat us doch man dorbi blieven, wat in't Stammbook steiht, anners kaamt wi ganz dör'nanner...---Bolingbroke 20:53, 25. Jun 2007 (CEST)
- Un bi de Öörd tellt blot dat, wat in de Hauptsatzung steiht? --::Slomox:: >< 13:05, 26. Jun 2007 (CEST)
- Ik heff hüüt denn ok en Antwoort kregen. In'n Naam vun'n Ministerpräsident seggt sien Büroleiter Danke (ik nehm an, dat Danke is för den Artikel un nich för miene dusselige Fraag, dat geiht also an di, Eastfrisian) un he seggt, dat sien Naam op Platt Harald Ringsdörp is. Sogor Auf Platt lautet der korrekte Name Harald Ringsdörp hebbt se schreven. Nu, good, op Platt hebbt se nich trüchschreven, ofschoonst ik in mien Nettbreef doch extra vun de Europääsche Sprakencharta schreven harr, de ja nu ok dat Antern op Platt beinhollen deit (ok wenn dat woll nich för sone Fragen gellt). Naja, op jeden Fall dröff ik nu schuven, oder? --::Slomox:: >< 17:49, 26. Jun 2007 (CEST)
- No dat, wat in'n Breef steiht, mööt wi sogor schuven... --Iwoelbern 18:01, 26. Jun 2007 (CEST)