Diskuschoon:Cheemsch Element

Na Schiller-Lübben hett Wismut to Hansetieden wesemod, wesemund heten. --::Slomox:: >< 15:16, 2. Mär 2008 (CET)[anter]

De Tieden sünd aber all lang vörbi, oder? Eastfrisian 19:55, 2. Mär 2008 (CET)[anter]

Dat is en rhetorisch , oder?, oder? ;-) Gewiss is de Tiet vörbi. Ik kann nich bewiesen, dat dat ok blot een Minsch gifft, de dat Woort noch so bruukt, vun wegen dat dat Woort dör de Tieden so wiedergeven worrn is. Liekers dücht mi Weesmot en passlichen Naam för dat Element. --::Slomox:: >< 23:30, 2. Mär 2008 (CET)[anter]

Villicht denkt de een oder annere vun jo, de Keerl, de weet ok nich, wat he will. Mal kraamt he ole Wöör vun dunntomalen ut de Muskist vun Weesmot un Frankenfort op'n Mein un denn snackt he opmal wedder gegen PPA un Verswören gegenan. Nu, dat hett allens sien Bewandnis. Ik bün nämlich vun Menen, dat de Lexik mobiler is as de Grammatik. Ne'e Wöör in en Spraak opnehmen oder ole wedderhalen, dat is wat ganz Normals, dat passeert jeden Dag. Wenn wi aver to dull an de Grammatik dreiht, denn ännert sik de Spraak. Denn loopt wi Gefohr, dat wi bald keen Plattdüütsch mehr hebbt, sonnern en ganz ne'e Spraak. (Beten överdreven utdrückt. Aver dat gifft Bispelen vun Lütte Spraken, bi de de Spraak-Anfieters to dull togang weren un dorbi en Barrier twischen aktive Spraak-Anböters un Alldags-Snackers opboot hebbt. Bi Fremdwöör-purges un Spelereen in de Lexik besteiht desülve Gefohr, kummt ok jümmer op dat Maat op an.) --::Slomox:: >< 23:45, 2. Mär 2008 (CET)[anter]

Also ok de annern germaanschen Spraken hebben dor Wismut. Büst Du nu för Weesmot, Weesmut, Weesmoot, Weesmood oder wat? Grundsätzlich bün ik ja för sülvst maken, aver övertüügt hett mi dat noch nich. Dat Woort weer denn ja kumplett sülvst tosamenbastelt...

Ik bün mi ok gor nich seker, wat Weesmoot richtig is. Op Hoochdüütsch (un dor kummt de Naam ja her) is dat i kort: "Wissmut". Woso is dat bi Lübben lang? Fraagt doch mal op Lowlands-L, dormit wi dor keen Dummtüüch maakt. HeikoEvermann 00:24, 3. Mär 2008 (CET)[anter]

Dat ole Woort heet wesemod. Dat is lang. Ans dee dat wessemod heten. Etymoloogsch schall dat na de:Bismut ja vun'n Oort in der Wiesen kamen. Wiese is Plattdüütsch Wisch oder in'n Oosten Wees. Un dor hebbt wi al uns lang e. Worüm de Hoochdüütschen dat kort hebbt? Weet ik nich. Aver dat Woort schall ut dat Erzgebirg kamen. Dat Erzgebirg seggt na Wenker Wies. Aver Stück wieder na'n Noorden (Neegd vun Meißen/Missen [aver nich in Missen sülvst]) heet dat Wiss. Villicht weer fröher dat Rebeet vun Wiss grötter. Blanke Theorie, kann aver angahn. Dat höört aver ganz gewiss lang, dat e, dat weet ik gewiss.

Büst Du nu för Weesmot, Weesmut, Weesmoot, Weesmood oder wat? Weesmut is en Bastard, dat will ik nich. Aver de annern dree sünd all blot en Fraag vun Orthografie, dor kummt mi dat nich op an. Weesmot süht na mien Verscheel beter ut as Weesmoot, aver wenn dat lange o kenntekent wesen schall, mientwegen. Dat d an't Enn is ok blot Orthografie. Mood/Moot, Tied/Tiet, Godd/Gott. Engelsch mood, tide, god, hoochdüütsch Mut, Zeit, Gott.

Tohoopbastelt is dor nix an. Dat is blot de middelöllerliche Form na de Luudgesetten/Luutgesetten wiederentwickelt. Du kannst mi nu seggen, dat dat en Kunstwoort is, denn dor is en Lock vun poor hunnert Johr. Dat Lock kann ik nich tomaken. Villicht is de Eer dor, dat Lock dichttomaken, man ik weet nich wo de Hümpel is. Aver ik segg: Över dit Lock köönt wi röverspringen. Tschacka! Du schaffst es! (un wo doch över Gravens un Schloten springen Natschonalsport in de Lowlands is ;-) ) --::Slomox:: >< 01:08, 3. Mär 2008 (CET)[anter]

Weesmut en Bastard? In Lübben sien Handwörterbuch steiht: "wesemôt, -mût (-munt?)" => "Wismut, plumbum cinereum". Dat heet: de Foorm op u is ok belegt. Un dorüm meen ik: Weesmut is beter, wieldat dat nich so wiet weg is vun de Naam ut de annern Spraken. HeikoEvermann 09:47, 3. Mär 2008 (CET)[anter]