Dirk Bouts

Vun Wikipedia
Wesseln na: Navigatschoon, Söök
Maria warrt kröönt, um 1450 rüm (Gemäldegalerie der Akademie der bildenden Künste Wien)
Bild vun en Mann, um 1460 rüm(Metropolitan Museum of Art, New York)
Den Hl. Hippolyt sien Martyrium, um 1470 rüm (Museum vun de Erlöserkathedraal, Brügge)

Dirk Bouts (* 1410–1420 in Haarlem; † 6. Mai 1475 in Löwen), ok Dierick oder Dieric, fröher verkehrt ok Stuerbout nömmt, weer en nedderlannschen Maler ut de Renaissance-Tied. He warrt to de Fläämschen Primitiven to rekent. Dirk Bouts is de Vadder vun Dirk Bouts den Jüngeren un vun Albert Bouts, de ok as Malers bekannt wurrn sund. He hett Biller for de Karken maalt, man de Lüde müchen ok siene Porträts geern lieden. Dor hett he as en vun de besten Meesters to siene Tied in gullen.

Leven[ännern | Bornkood ännern]

Over Dirk sien Leven gifft dat nich veel Oorkunnen un Dokumente. Bit in de 1450er Johre is dat Meiste blot dör Verglieken mit Biller vun annere Malers to bestimmen. Groten Indruck hett Rogier van der Weyden up em maakt un so is an to nehmen, datt Bouts um 1440 rum sien Schöler ween is. Ok is an siene Biller to sehn, datt he Jan van Eyck un Aelbert van Ouwater goot kennt hett. Um 1445 hett he Catharina van der Brugghen ut Löwen freet. Se stamm ut en rieke Patrizier-Familie in ehre Vaderstadt. De beiden hefft veer Kinner mit'nanner harrt. Twee vun jem sund ok Malers wurrn un hefft dat dor to wat brocht.

Na de Oorkunnen is eerst vun 1457 af an to sehn, datt Bouts in Löwen wohnt hett. 1465 is he to'n Stadtmaler beropen wurrn. Bekannt is de Verdrag over dat Maken vun dat Avendmahlaltar for de Broderschop vun dat Hillige Sakrament. Annere Oorkunnen maakt düütlich, datt Dirk Bouts sik bannig goot stunn. In dat Johr 1467 warrt he as en wichtigen Vertreder vun de Stadt nömmt. Nadem siene Fro sturven weer, hett he 1475 to'n tweeten Mol heiraat'. Korte Tied later is he sülms sturven.

Wichtigste Warke[ännern | Bornkood ännern]

Literatur[ännern | Bornkood ännern]

  • Catheline Périer-D'Ieteren: Dieric Bouts. The complete works. Mercatorfonds, Antwerpen 2005, ISBN 90-6153-611-1
  • Flämische Meister: {Jan van Eyck, Rogier van der Weyden, Hans Memling}, Dirk de Vos, DuMont, Köln, S. 143-156, ISBN 3-8321-7201-7
  • Malerei des Abendlandes. Eine Bildersammlung von der frühchristlichen bis zur zeitgenössischen Malerei, F. A. Herbig Verlagsbuchhandlung, Berlin-Grunewald 1955
  • Dörte Zbikowski: Zum Beispiel: Hinrik Funhof. In: Die Kunst des Mittelalters in Hamburg. Aufsätze zur Kulturgeschichte. Stiftung Denkmalpflege. Hamborg s.J., S. 212-218. ISBN 3-933374-49-9

Weblenken[ännern | Bornkood ännern]