Diedrich

Vun Wikipedia
(wiederwiest vun Dirich)

Diedrich (ok Dierich un Dirich) is een plattdüütschen Vörnaam for Jungs.

Herkamen[ännern | Bornkood ännern]

De Naam Diedrich kümmt vun den olen germaanschen Naam Diederik, Dietrich oder ok Theoderich' her. Dor steekt de beiden Wöör Diot oder Diet (dat heet Volk) un rihhan (dat heet riek oder mächtig) in. Diedrich heet denn so veel, as: De in dat Volk mächtig is oder Der Herrscher öber dat Volk.

De plattdüütsche Naam[ännern | Bornkood ännern]

Ut de ole Form Diederik is de Naam later afkört un afslepen wurrn, so, dat dor denn Dierk vun wurrn is. As dat noch keen Sass un ok keenen Duden geev, heet jedereen düssen Naam so schreven, as em dat richtig düch. Dorüm gifft dat ok de Schrievwiesen Diriek un Dirk för densülbigen Naam. De Naam Diedrich is woll eerst later upkamen, as de Lüde al de hoochdüütsche Spraak kennen döen. Diedrich is nix anners, as de hoochdüütsche Naam Dietrich up Platt utspraken. Bi Dierich is denn noch dat d wegslaken wurrn vunwegen een slurige Utspraak.

Tonaams[ännern | Bornkood ännern]

Vun düsse Vörnaams kaamt nu ok de plattdüütschen Tonaams Diedrichs, Dierichs un Diedrichsen vun her. De bedüüt Ut Diedrich sien Familie oder Vun Diedrich sienen Hoff.

Kiek ok nah bi[ännern | Bornkood ännern]

Weblenken[ännern | Bornkood ännern]