Dimitri Peters

Vun Wikipedia

Dimitri Peters (* 4. Mai 1984 in Gljaden, Russland) is en düütschen Judoka, de in de Gewichtsklass bit 100 kg strieden deit.

Leven un Loopbahn[ännern | Bornkood ännern]

Peters is in Russland boren. He keem 1992 in’t Öller vun 7 Johren na Düütschland. As he 11 Johr oolt weer, hett he in Rodenborg (Wümm) mit Judo anfungen. Siet 2002 traineert Peters in Hannober, woneem he ok sien Beroop as Industriemechaniker lehrt hett. Vun’n Harvst 2006 her is he bi de Sportföddergrupp vun de Bundswehr.

Bi de U-23-Europameesterschoppen hett he 2005 den Titel wunnen un wunn een Johr later Bronze in Tampere bi de Europameesterschoppen. En wietere Bronzemedaille hett he 2011 bi de Europameesterschoppen in İstanbul mit de Mannschop wunnen. 2012 hett he an de Olympschen Spelen in London deelnahmen. Ok dor hett he Bronze wunnen.

Spood[ännern | Bornkood ännern]

  • 2005: Europameester vun de U23
  • 2006: 3. Platz bi de Europameesterschoppen
  • 2011: 3. Platz mit de Mannschop bi de Europameesterschoppen
  • 2012: Bronzemedaille bi de Olympschen Spelen in London

Weblenken[ännern | Bornkood ännern]