Dieter Glawischnig

Vun Wikipedia

Dieter Glawischnig (* 7. März 1938 in Graz) is en öösterrieksch Jazzmusiker (Piano, Kompositschoon, Basuun, Bandleader) un Hoochschoollehrer.

Leven[ännern | Bornkood ännern]

Nah sien Studium an de Universität für Musik und darstellende Kunst Graz (neben de Instrumente ok Dirigeeren un Musikwetenschap) hett Glawischnig af 1963 as Basuunist ahn Fastanstellung in de ORF-Big Band arbeit. Dornah weer he in de Grazer Oper as Korrepetitor tätig un hett van 1968 bit 1975 de Jazzafdeelen vun de Musikhoochschool Graz leit. Nahdem Glawischnig 1973 in Hamborg de Leitung vun de damalig NDR-Studioband övernommen harr un disse siet 1980 to de NDR Bigband wieder entwickel, harr he siet 1982 bit to sien Emeritierung 2003 en Professur an de Musikhoochschool vun de Hansestadt inne un hett dor nah Grazer Vörbild en Jazzafdeelen upbaut. Chefdirigent vun de NDR Bigband weer he bit 2008.

1974 grünn he mit Ewald Oberleitner un John Preininger de Band The Neighbours, mit de he en Synthees ut free improviseerten un utkomponierten Elementen anstreevt un de national as international tallriek Tourneen un Festivalinladungen absolveert. Glawischnig hett dor ünner annern mit Fred Anderson, Anthony Braxton, Karl Berger, Gerd Dudek, Albert Mangelsdorff un John Surman tosommenwarkt.

Glawischnig is an en gliekberechtigten Ümgang vun Text un Musik besünners interesseert, wobi he de Utdrucksberieken vun beid integreren will (anstäe en nah sien Ansicht faken beziehungsloos Nebennanner vun Jazz & Lyrik). De Spreker is dorbi gliekwertig Solist, de impoviseeren Speler ageeren mit den Spreker up glieken Oogenhööcht. Glawischnig sett sück immer weer intensiv mit Gedichten vun Ernst Jandl utnanner. Sien Kompositschoon „Aus der Kürze des Lebens“ hett her 1989 mit de NDR Bigband un de Solisten Manfred Schoof, Christof Lauer, Conny Bauer, Andreas Schreiber, John Marshall un Ernst Jandl as Spreker upführt. Mit Schreiber un Marshall arbeit he ok in sien Duo- un Trio-Grupp Cercle tosommen, de för Rezitatschonen um Dietmar Mues as Spreker ergänzt wurrd.

Diskographie (Utwahl)[ännern | Bornkood ännern]

  • Neighbours Live, 1975
  • Great Neighbours Music, 1979
  • laut und luise - aus der kürze des lebens ernst jandl mit dieter glawischnig und der ndr bigband, 1995

Weblenken[ännern | Bornkood ännern]