Dierk Puls

Dierk Gerhard Puls (* 11. November 1913 in Warder; † 15. April 1994 in Kiel) wor en düütschen Schriever un Germanist.

Puls is 1913 as Söhn vun en Pastoor in Warder boren un hett siene Kinnertiet in Oeversee un Kropp tobröcht. Na de Volksschool güng he op de Domschool in Sleswig un dee denn Geschicht, Germanistik, Kunstgeschicht un Theaterwetenschop in Leipzig, Wien un München studeren. 1942 möök he sien Dokter vun de Philosophie to dat Thema Die „Los von Rom“-Bewegung im Habsburgerreich.

Na’n Krieg dee Puls as Lehrer arbeiden. Blangen dat dee he ok schrieven. Bekannt vör allen weer sien Book Besuch auf Emkendorf vun 1976. Dor stünnen Vertellsels vun dat Leven un Wirken vun sleswig-holsteensche Dichters in. Dat weer so’n Misch ut Vertellen un Saakbook.

Warken

• Der Ehedoktor. 1952
• Dichter und Dichtung in Kiel. 1962
• Is ja rein to dull. 1975
• Besuch auf Emkendorf. 1976
• Dierk Puls vertellt lüttje Döntjes vun Flensborg bit Hamborg. 1978
• An Nordseestrand un Ostseekant. 1979
• Snack un Snurren. 1979 (LP)
• Hochzeit auf Helgoland. 1984
• Geschichten aus dem alten Kiel. 1991