Derivat (Weertschop)

Vun Wikipedia
Wesseln na: Navigatschoon, Söök

Derivaten sünd Verdräge, wo een dat Recht mit kriggt, to en fixen (fasten) Pries to kopen oder to verkopen. Düsse fixe Pries warrt fastleggt up Grund vun en Basisweert, de vun den Markt afhangen deit.[1]Basiswerten könnt Weertpaperen ween (as Aktien, Anleihen), man ok annere Tahlen un Werten, de mit den Markt to kriegen hefft, as Tinsen, Indices oder annere Saken, wo Hannel mit dreven warrt, as Rohstoffen un Devisen. Derivaten könnt ok sülms de Basisweert vun annere Derivaten ween. Dat sünd denn Derivaten vun'n tweeten Graad. Man ok Umstänn, de an un for sik nix mit de Weertschop to doon hefft, könnt Basiswerten ween, t. B. dat Weer.

Vun 1986 af an hett de Hannel mit Derivaten duchtig tonahmen. Toeerst hett he sik befaat' mit relatiev eenfache Risiken an'n Markt, as mit de Priesen för Aktien un Rohstoffen. Man later sünd de Derivaten denn ok maakt wurrn för dat Risiko, dat de Tinsen sik ännert oder dat de Wesselkurs bi Geldsorten ümsleiht. Noch nich allto lang is dat her, dat een ok dat Risiko bi Krediten un bi dat Weer afsekern kann dör Derivaten.

Toeerst sünd de Derivaten also inföhrt wurrn, dat een en Risiko afsekern kann. Midderwielen warrt mit de Derivaten Hannel bedreven, vunwegen dat Investmentfonds, sunnerlich Hedgefonds mit Spekulatschonen unbannigen Winnst maken wüllt. As Anlagen sünd Derivaten hooch riskant, man könnt ok bannige Renditen bringen.

Dat Woort[ännern | Bornkood ännern]

Dat Derivat kümmt ut de Latiensche Sprake (v. derivare= afleiten). Dat wiest dor up hen, dat de Pries vun düsse Instrumenten vun den Basisweert afhangen deit.

Belegen[ännern | Bornkood ännern]

  1. : Zantow, Roger (2004) Finanzierung – Die Grundlagen modernen Finanzmanagements, München: Pearson Studium, Seite 255