Deaflympsche Spelen

Vun Wikipedia

De Deaflympschen Spelen sünd Sportspelen, bi de dove Sportlers ut de ganze Welt gegenenanner antreedt. De Deaflympschen Spelen warrt jüst as de Olympschen Spelen all veer Johr afhollen. Dat gifft ok Winter- un Sommerspelen, de twee Johr versett sünd. Anners as de Olympschen Spelen sünd de Deaflympschen Spelen jümmer in unevene Johren.

Historie[ännern | Bornkood ännern]

De Idee bi de Spelen is, dat Dove dat in’n Sport faken sworer hebbt, vun wegen dat se ja kene Signaals höört. Ok de soziale Faktor, dat Tohoopkamen mit annere Dove is en wichtigen Aspekt. De eersten Deaflympschen Sommerspelen geev dat 1924 in Paris. Se heten dor noch de Internatschonalen Spelen för de Doven. De eerst beid Maal weren se noch in de sülven Städer as de Olympschen Spelen. 1931 hebbt se denn den Modus wesselt un hebbt ok annere Städer wählt. 1949 geev dat de eersten Winterspelen. Vun 1964 af an heten de Spelen Weltspelen för de Doven. In dat Johr 2000 hebbt se denn den Naam kregen, den se nu hebbt. Bi de Spelen 2005 in Melbourne weren mehr as 3000 Sportlers ut alle Welt dorbi.

Mitmaken köönt blots Lüüd, de op ehr good Ohr opminnst 55 dB slechter höört. Höörhelpen sünd bi de Spelen verbaden. De Scheedsrichters un Startlüüd hebbt bi de Spelen kene Piep oder Startpistolen, se hebbt lütte Flaggen un ’n Oort Startblitzlicht.

Sommerspelen[ännern | Bornkood ännern]

  • 1924 1. Deaflympsche Sommerspelen in Paris
  • 1928 2. Deaflympsche Sommerspelen in Amsterdam
  • 1931 3. Deaflympsche Sommerspelen in Nürnbarg
  • 1935 4. Deaflympsche Sommerspelen in London

1944 sünd de Spelen utfallen, vun wegen den Tweten Weltkrieg

  • 1939 5. Deaflympsche Sommerspelen in Stockholm
  • 1949 6. Deaflympsche Sommerspelen in Kopenhagen
  • 1953 7. Deaflympsche Sommerspelen in Brüssel
  • 1957 8. Deaflympsche Sommerspelen in Mailand
  • 1961 9. Deaflympsche Sommerspelen in Helsinki
  • 1965 10. Deaflympsche Sommerspelen in Washington
  • 1969 11. Deaflympsche Sommerspelen in Belgrad
  • 1973 12. Deaflympsche Sommerspelen in Malmö
  • 1977 13. Deaflympsche Sommerspelen in Bukarest
  • 1981 14. Deaflympsche Sommerspelen in Köln
  • 1985 15. Deaflympsche Sommerspelen in Los Angeles
  • 1989 16. Deaflympsche Sommerspelen in Christchurch
  • 1993 17. Deaflympsche Sommerspelen in Sofia
  • 1997 18. Deaflympsche Sommerspelen in Kopenhagen
  • 2001 19. Deaflympsche Sommerspelen in Rom
  • 2005 20. Deaflympsche Sommerspelen in Melbourne
  • 2009 21. Deaflympsche Sommerspelen in Taipeh

Winterspelen[ännern | Bornkood ännern]

  • 1949 1. Deaflympsche Winterspelen in Seefeld
  • 1953 2. Deaflympsche Winterspelen in Oslo
  • 1955 3. Deaflympsche Winterspelen in Oberammergau
  • 1959 4. Deaflympsche Winterspelen in Montana
  • 1963 5. Deaflympsche Winterspelen in Are
  • 1967 6. Deaflympsche Winterspelen in Berchtesgaden
  • 1971 7. Deaflympsche Winterspelen in Adelboden
  • 1975 8. Deaflympsche Winterspelen in Lake Placid
  • 1979 9. Deaflympsche Winterspelen in Meribel
  • 1983 10. Deaflympsche Winterspelen in Madonna di Campiglio
  • 1987 11. Deaflympsche Winterspelen in Oslo
  • 1991 12. Deaflympsche Winterspelen in Banff
  • 1995 13. Deaflympsche Winterspelen in Yllas
  • 1999 14. Deaflympsche Winterspelen in Davos
  • 2003 15. Deaflympsche Winterspelen in Sundsvall
  • 2007 16. Deaflympsche Winterspelen in Salt Lake City

Weblenken[ännern | Bornkood ännern]

Category:Deaflympics. Mehr Biller, Videos oder Audiodateien to’t Thema gifft dat bi Wikimedia Commons.