De Etappenhas
De Etappenhas - En lustig Spill ut de Kriegstied in veer Törns is en Theaterstück, dat Karl Bunje schreven hett. Toeerst opföhrt hebbt se dat 1935 bi de Nedderdüütsche Bühn in Braak.
Dat Stück hannelt in’n Eersten Weltkrieg 1917 an de Front in Flannern. Dat geiht dor üm, dat de Suldoten ’n Hasen fungen hebbt. Den Oberst doot se aver en Katt vörsetten un de eenfachen Suldoten eet den Hasen sülvs.
Dat Stück is later denn ok op Hoochdüütsch översett worrn un in verschedene Dialekten (ünner annern op Kölsch). 1937 (Der Etappenhase) un 1957 (Der Etappenhase) hebbt se dat Stück twee Maal op Hoochdüütsch as Film rutbröcht. 1953 is Willy Millowitsch sien kölsche Version ok in’t Feernsehn lopen. De plattdüütsche Version opföhrt vun dat Ohnsorg-Theater hebbt se 1978 in’t Feernsehn wiest. För dat Opföhren warrt fief Mannslüüd un ene Fro as Schauspelers bruukt.