David Safier

Vun Wikipedia
Wesseln na: Navigatschoon, Söök

David Safier (* 13. Dezember 1966 in Bremen) is en düütschen Schriever un Dreihbookschriever. Safier schrifft Hoochdüütsch. He leevt in Bremen.

Leven un Wark[ännern | Bornkood ännern]

Toeerst mol hett Safier sik to’n Journalisten utbillen laten. Denn hett he in’e Redaktschoon bi’n Höörfunk un in’t Feernsehn arbeit’, unner annern bi Radio Bremen. Vun 1996 af an arbeit’ Safier as Dreihbookschriever.

Feernsehn[ännern | Bornkood ännern]

Ut sien Penn stammt de Dreihböker to Nikola (1997-1999), to Himmel und Erde (1998), Die Camper (1998-1999) ), Die Schule am See (1999) un Mein Leben und ich (2000/2001). He is ok de Chefschriever vun Zwei Engel für Amor (2006). För dat Book to de Serie Mein Leben und ich hett he 2003 den „Goldenen Spatz“ kregen, dat is de Kinner-Film- un Feernsehpries vun den MDR.

Mit Radio Bremen hett he sik 2001 as Hööftschriever de Sitcom Berlin, Berlin infallen laten. Dor hett he 2003 den Adolf-Grimme-Pries in de Sparte „Fiktschoon un Unnerholen“ för kregen. 2002 weer Berlin, Berlin al mit den Düütschen Feernsehpries uttekent wurrn. De Jury ordeel över siene Dreihböker, se weern ganz free vun „den Dreih na grootmuulsche Dramatik oder na papeern Pathos...“[1]Siene Charakters maal he „lakoonsch, man preziese, avers ohn dor to veel Wöör üm to maken oder jem in Steen to hauen.“ 2004 hett „Berlin, Berlin“ den wichtigsten Feernsehpries vun de USA wunnen, dat is de Emmy.

Böker[ännern | Bornkood ännern]

In’n März 2007 is sien eersten Roman rutkamen. Dat weer „Mieses Karma“ (Leeg Karma). Dor warrt in vertellt, dat en Feernsehmoderatorsche, mit de ehre Karriere dat an un for sik slumpen deit, man de keen Gnaad kennen deit, vun den Gatensteen vun en russische Ruumstatschoon dootslahn warrt. Vunwegen dat se to veel „leeg Karma“ tohopensammelt harr, warrt se nu as en Iemecken wedder boren. Nu mutt se jummerlos „goot Karma“ tohopenkleien, dat se bloß up de Ladder vun de Reinkarnatschoon wedder na baben kladdert.

In’t Johr 2008 kümmt sien tweeten Roman „Jesus liebt mich“ (Jesus hett mi leev) rut. Dor warrt de afsunnerliche Geschicht in vertellt, wi Jesus hüdigendags in de Lüütje Stadt Malente in Sleswig-Holsteen kümmt, vunwegen dat he vun dor ut anfangen will mit dat Jüngste Gericht, dat en paar Dage later losgahn schall. Man he lehrt dor unner egenordige Umstänn en Fro Midde Dartig mit Naam Marie kennen. Vunwegen dat düsse Fro ehr Hart verleern deit an Jesus, kümmt de Sake denn avers ganz anners, as dat an un for sik plaant weer.

Titels[ännern | Bornkood ännern]

Borns[ännern | Bornkood ännern]

  1. http://www.radiobremen.de/tv/berlin-berlin/grimmepreis.html