Damiano Cunego

Vun Wikipedia
Wesseln na: Navigatschoon, Söök
Damiano Cunego 2006 bi den Giro d’Italia

Damiano Cunego (* 19. September 1981 in Verona) is en italieensch Radrennfohrer.

Karriere[ännern | Bornkood ännern]

1997–2001[ännern | Bornkood ännern]

Cunego keem mit eerst 16 Jahren to’n Radsport. All dree Johr later wurr he Junioren-Straatenweltmeester. Bald wurr he wegen sien Körperbau un Fohrstil in de Presse tonehmend as „de nee Pantani betekent. Sien Ökelnaam is aber Il Piccolo Principe (de lütte Prinz].

2002–2004[ännern | Bornkood ännern]

2002 wurr he Profi. 2004 wunn he tonächst de Trentino- un de Apenninen-Rundfohrt. Wenig Weeken later wunn he as man eerst 22-johrig den Giro d’Italia, de nah de Tour de France as dat swoorste Etappenrennen vun de Welt gellt. Nich blots den Gesamtsieg hett he schafft, sonnern ok noch veer Deelstrecken wunnen, ofschons he eenig as Helper för sien Teamkollegen, den tweemaligen Giro-Siegers Gilberto Simoni, inplaant ween weer. An Enn’ vun dat Johr wunn he dennn ok noch de Lombardei-Rundfohrt. In de Saison 2004 weer he somit Führender in de letzt konventionell UCI-Weltranglist.

2005[ännern | Bornkood ännern]

2005 keem he wegen Erkrankung bi den Giro blots up den 18. Platz un muss sien Start bi de Tour de France ok afseggen.

2006–2007[ännern | Bornkood ännern]

2006 weer he nu alleenig Kapitän bi sien Rennstall, Gilberto Simoni harr den Radstell wesselt. Bi den Giro keem Cunego upl Platz 4 und bi de Tour de France up Platz 12. He weer aber de beste Nahwussfohrer un kreeg dorüm ok dat Witt Trikot.

1007 keem he sowohl bi den Giro as ok bi de Tour de Suisse jeweils up Platz 5. Bi de Vuelta a España keem he aber to Fall un harr mit den Gesamtsieg nichts mehr to doon. Ok bi de Weltmeesterschap in dat Johr leep nichts, wiel he Hülpdeensten för den olden und nee Weltmeester Paolo Bettini leisten muss, so dat he blots up Platz 50 keem. Stattdessen wunn he aber weer de Lombardei-Rundfohrt.

2008[ännern | Bornkood ännern]

2008 keem he bi Paris-Nizza up Platz 17 in, wunn denn dat Amstel Gold Race un keem bi den Walloonschen Piel up Platz 3. Up den Giro hett he verzicht, um an de Tour de France deeltonommen. Dor keem he aber ok to Fall un hett dat Rennen upgeven. Wegen sien Verletzung kunn he denn ok nich an de Olympisch Spelen in Peking deelnehmen. To’n Afsluss vun dat Johr wurr he Viezweltmeester achter Alessandro Ballan un kunn denn ok noch mal de Lombardei-Rundfohrt winnen.

2011[ännern | Bornkood ännern]

Dornah weer dat en paar Johr wat ruhiger, aber 2011 kunn he den Giro dell'Appennino winnen. Bi de Tour de Suisse wurr up de letzte Deelstreck (en Eenzeltietfohren) noch vun den US-Amerikaner Levi Leipheimer slahn, so dat he bit dit Etappenrennen den 2. Platz belegg.

Doping[ännern | Bornkood ännern]

In’ April 2011 hett de Staatsanwaltschap vun Mantua ankünndigt, Cunego wegen Dopings antoklagen.[1]

Wat he schafft hett[ännern | Bornkood ännern]

1999

  • Junioren-Straaten-Weltmeester

2002

2003

2004

2005

2006

2007

2008

2009
2011

Enkeld Nahwiesen[ännern | Bornkood ännern]

  1. Ballan und Cunego werden wegen Dopings angeklagt auf radsport-news.com, afroopen an’ 11. April 2011

Weblenken[ännern | Bornkood ännern]

Commons-logo.svg Damiano Cunego. Mehr Biller, Videos oder Audiodateien to’t Thema gifft dat bi Wikimedia Commons.