Kumbarg
| Wapen/Flagg | Koort | |
|---|---|---|
 |
|
|
| Basisdaten | ||
|
||
| Flach: | 9,36 km² | |
| Inwahners: | 3.353 (31. Dezember 2005) | |
| Inwahnerdicht: | 358,2 Inwahners pro km² | |
| Hööchd: | 5 m över de See | |
| Postleettall: | 21781 | |
| Vörwahl: | 04777 | |
| Geograafsche Laag: | Koordinaten:53° 46′ N, 9° 3′ O53° 46′ N, 9° 3′ O |
|
| Gemeenslötel: | 03 3 52 009 | |
| Börgermeester: | Wolfgang Heß (SPD) | |
| Websteed: | www.am-dobrock.de | |
  |
||
Kumbarg (hoochdüütsch Cadenberge) is en Dörp un ene Gemeen an’n Rand vun de Geest in’n Landkreis Cuxhoben. De Gemeen Kumbarg is Deel vun de Samtgemeen An’n Dobrook un ok de Seet vun de Samtgemeen un hett üm un bi 3300 Inwahners.
Inholtsverteken |
Historie [ännern]
De Oort is 1148 toeerst nöömt worrn.
Politik [ännern]
Gemeenraat [ännern]
| Johr | CDU | SPD | Free Wählers | De Grönen | FDP | annere |
|---|---|---|---|---|---|---|
| 2001 | 9 | 6 | - | - | - | - |
| 2006 | 8 | 7 | - | - | - | - |
| 2011 | 5 | 10 | - | - | - | - |
Börgermeesters [ännern]
Wapen un Flagg [ännern]
Dat Wapen vun de Gemeen wiest vörn en Ackerstück mit rode Grundfarv un achtern en rood Möhlrad op sülvern Grund.
De Flagg is baven gröön un ünnen swart un wiest in’e Midd dat Wapen.
Kultur [ännern]
Kark [ännern]
De ole St.-Nicolai-Kark mit de Orgel von Dietrich Christoph Gloger warrt toeerst vun den päpstlichen Kollektor Jacob de Rota 1319 nöömt. De Karktoorn, de hüüt noch steiht, is ut dat Johr 1723. He is en beten lütt utfallen, de Kark hebbt se in de Johren 1742 bet 1752 nee boot un se weer wat grötter as de ole Kark un müch nich so recht to’n Toorn passen. Kark un Toorn sünd vun 1962 bet 1965 renoveert worrn.
De Toorn hett dree Klocken, twee to’n Lüden un een, de de Tiet sleit. De twee Klocken to’n Lüden hebbt de Slagtöön As un G. De Lüttjere hett 1698 Christoph Haupner ut Stood gaten, de Gröttere is 1732 vun Caspar König nee gaten worrn, nadem se sprungen weer. De Gröttere müss de Kark in’n tweten Weltkrieg afgeven, de Klock is aver ahn Schaden wedder trüchkamen. De Klock för de Tiet is vun 1950.
Bowarken [ännern]
In Kumbarg steiht dat Slott vun Graaf Bremer mit en Park un en schöön Duvenhuus.
-
Dat Slott
-
Dat Duvenhuus
-
Dat Raathuus in Kumbarg
Weertschop un Infrastruktur [ännern]
Verkehr [ännern]
Kumbarg liggt an de Bundsstraat 73, de in’n Noordwesten över Neehuus un Oterndörp na Cuxhoben löppt un in’n Süüdoosten över Hemmoor/Warstood/Basbeek na Stood. In’n Süüdwesten löppt de Kreisstraat 22 na Ooldkeden un Tollboom. Ans gifft dat noch lüttjere Straten na Voigtding in’n Oosten un Westercaadwisch in’n Westen.
Kumbarg hett en Bahnhoff an de Nedderelvbahn von Cuxhoben na Hamborg.
De Oort höört ok to de Öörd, de tweesprakige Oortsschiller hebbt, op de blangen den hoochdüütschen Naam ok de plattdüütsche mit op steiht.
Literatur [ännern]
- Willi Klenck: Heimatbuch des ehemaligen Kreis Neuhaus an der Oste. 1957
Weblenken [ännern]
- Websteed vun de Samtgemeen An’n Dobrook (hoochdüütsch)
Armsdörp | Beers | Belen | Bevers | Braamst | Bülkau | Cappel | Cuxhoben | Dorum | Drangs | Driftseth | Elmloh | Flögeln | Geversdörp | Godshem | Hagen | Heckthusen | Helmworth | Hemmoor | Hollnseth | Köhlen | Kührst | Kumbarg | Langen | Lee | Lintig | Loomst | Lox | Millm | Misselwarden | Mittelsnohn | Mulsum | Neehuus | Neenkarken | Noordholt | Öberndörp | Oosten | Oosterbrook | Otterndörp | Padingbüddel | Ringst | Sands | Schippdörp | Steenau | Stinst | Uthlee | Wannen | Wingst | Wremen | Wolsbuddel
