Clynelish

Vun Wikipedia
Clynelish

De Brenneree Clynelish bi Nacht (Foto: Alan Stewart)

Land Schottland
Region Highlands
Tyyp Malt
Status aktiv
Besitter Diageo
Grünnt 1967
Grünner Scottish Malt Distillers
Waterborn Clynemilton Burn
Washstill(s) 3 x 17.000 l
Spiritstill(s) 3 x 19.000 l
Produkschoonsvolumen 3.250.000 l

Clynelish is en Whisky-Brenneree in de Neeg vun Brora, Schottland.

Historie[ännern | Bornkood ännern]

De eerste Brenneree mit den Naam Clynelish weer 1819 vun George Granville Levison-Gower, den tweeten Marquis of Stafford un lateren Duke of Sutherland grünnt. De hüütige Destille Clynelish is 1967 direkt blangen de ollen Brenneree boet worrn. Üm jem to ünnerscheden weer de olle Clynelish-Brenneree en tietlang as Clynelish A un de ne’e as Clynelish B betekent. Sinn vun den Neebo weer, de olle Destille aftolösen, so dat de in’n Mai 1968 stillleggt weer.

Man, al in’n April 1969 lööp de Produkschoon in de ollen Destille wedder an. De hett dorophen den Naam Brora kregen, un de ne’e Destille weer nu blots noch Clynelish nöömt. De beiden Brennereen hebbt noch bit 1983 parallel produzeert, bit de Brora-Destille denn duersom dicht maakt worrn is. De Clynelish-Brenneree höört siet 1987 to United Distillers (UD), de 1998 vun Diageo övernahmen worrn is. Man eerst 1990 weer die Lizenz vun Ainslie & Heilbron Ltd. op United Malt and Grain Distillers (UMGD), den ne’en Naam vun Scottish Malt Distillers (SMD), överdragen.

Produkschoon[ännern | Bornkood ännern]

Clynelish, 14 Johr

Clynelish höört to dat schottische Whiskyrebeet Highlands. Dat Water för de Produkschoon stammt ut den Clynemilton Burn, wiel dat Molt ut de Moltereevun Glen Ord köfft warrt. De Brenneree heet en Meeschfatt vun 12,5 t ut Stahl un acht Gäärfatten to 58.600 l ut Lärkenholt. Brennt warrt mit dree wash stills to 17.000 l un dree spirit stills to 19.000 l, de dör Damp hittmaakt warrt.

Kiek ok[ännern | Bornkood ännern]

Literatur[ännern | Bornkood ännern]

  • Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
  • Walter Schobert: Das Whiskylexikon. Fischer Taschenbuch Verlag, Frankfort an’n Main, 2003, ISBN 978-3-596-15868-3.

Weblenken[ännern | Bornkood ännern]

Clynelish. Mehr Biller, Videos oder Audiodateien to’t Thema gifft dat bi Wikimedia Commons.



Koordinaten:58° 1′ N, 3° 52′ W