Christian Brückner

Vun Wikipedia
Christian Brückner (2011)

Christian Brückner (* 27. Oktober 1943 in Waldenburg, Slesien) is en düütsch Schauspeler, Synchroonsnacker, Höörspeelsnacker un Rezitater.

Brückner is siet Johrteihnten en vun de bekannsten düütsch Synchroonsnackers un is allgemeen bekannt as de Stimm vun Robert De Niro.

Synchroonstimm[ännern | Bornkood ännern]

As he noch an studeeren (Germanistik, Theaterwetenschap un Soziologie) weer, arbeit Brückner in’t Theater un as Höörfunkspreker.

Dör dat Synchrooniseeren vun Warren Beatty in de Film Bonnie und Clyde (1967) wurr sien markant Stimm bekannt.

Siet de Tiet hett he völ to doon bi’t Synchrooniseeren. Siet 1974 (Der Pate II) is he de Faststimm vun Robert De Niro. Martin Scorsese hett hüm extra för de Synchroonisatschon vun Taxi Driver kommen laten. Mit Utnahm vun Angel Heart, Mean Streets, 1900, Wer die Killer ruft, Fesseln der Macht, Brazil, Der Liebe verfallen un The Untouchables – Die Unbestechlichen synchrooniseer Brückner den Charakterdorsteller siet dem in all sien över 60 Filmen. In Es war einmal in Amerika wurr De Niro blots up de DVD-Version dör hüm synchroniseert. In de Kinoversion snackt well anners för De Niro.

In unregelmäßig Afstännen hett he sien Stimm noch för nahfolgend Schauspelers utlehnt: Alain Delon, Bruce Dern, Peter Fonda, Giuliano Gemma, Richard Jordan, Martin Sheen, Robert Redford, Jon Voight, Harvey Keitel, Donald Sutherland, Michael York, Pierre Brice, Dennis Hopper un Tom Skerritt. Ok Klaus Kinski hett in en paar Filmen mit sien Stimm snackt.

Ok in düütsch Werbespots för de Porsche AG un Volkswagen AG is Brückner to höörn. Siet 2007 dorto ok noch för Bitburger Beer.

Höörspelen[ännern | Bornkood ännern]

Christian Brückner is faken in Höörspelen, Höörböker, Lesungen un as Spreker för Dokumentatschonen in Insatz. Besünners bekannt drüffen de tallriek Insatzen as Stimm in Geschichtsdokumentatschonen vun Guido Knopp (u. a. „Hitlers Helfer“ un „100 Jahre – Der Countdown“) wesen. Hier hett he sück deelwies mit Rolf Schult, de düütsch Synchroonstimme vun Robert Redford, afwesselt. 2006 wurr mit Brückner as alleenig Spreker en vullstännig, dartig Stünnen düern Lesung vun de Roman Moby Dick vn Herman Melville in de düütsche Översetten vun Friedhelm Rathjen verapenlicht.

Musikprodukschonen[ännern | Bornkood ännern]

Ok in Musikprodukschonen is sien Stimm to höörn, to’n Bispeel bi E Nomine („Das Omen – im Kreis des Bösen“ (2003)), dat Tim Isfort Orchester un Andreas Ernstberger („Mond mit der Hand berührt“ up „Beautiful Loser“ (2004)). In dat 2006 verapenlicht Höörspeel „Mitte Nacht ist Neuer Tag“ (Thrillbeatconstruction Records) singt he sogor mit de Schauspelerin un Synchroonsnackerin Arianne Borbach (Uma Thurman, Catherine Zeta-Jones) tosamen en Leed.

Filmografie (Utwahl)[ännern | Bornkood ännern]

Johr Titel
1977 Anpassung an eine zerstörte Illusion, Feernsehn
1977 Walter Hasenclever, Feernsehn
1988 Der Commander
1995 Rache
1997 Der Kindermord, Feernsehn
1998 Das Miststück, Feernsehn
1999 Glückliches Ende, Kortfilm
2001 Ende der Saison, Feernsehn
2002 Ich wollte nie so alt werden – Eine persönliche Begegnung mit Leni Riefenstahl, Feernsehn (Stimm)
2012 Formentera

Label[ännern | Bornkood ännern]

Waltraut und Christian Brückner bedrieven tosamen dat Label „Parlando. Edition Christian Brückner“. De Edition wurr 2005 in de Kategorie „Das besondere Hörbuch“ mit den Düütschen Höörbookpries uttekent.

Dit un Dat[ännern | Bornkood ännern]

Brückner wurrd wegen sien prägnant Stimm un wiels he so völ Insatzen hett, ok „The Voice“ nömmt. He gellt as Meester vun de Rezitation – Journalisten troot hüm sogor to, dat he sogor Telefonböker spannend vörlesen kann.

He sülvst hett mol bericht, dat he beleevt harr, dat Taxifohrers sük verdattert umdreiht harrn, wenn he instiegen dee. Se harrn sük denn fragt, welke Star jüst in hör Wagen Platz nommen harr.

Weblenken[ännern | Bornkood ännern]