Chopping Tools

Vun Wikipedia
Wesseln na: Navigatschoon, Söök
Chopping Tool

Chopping Tools (vun eng. to chop, snieden, hacken un tool, Warktüüch, up Platt Warktüüch to'n Snieden oder Warktüüch to'n Hacken) is de Naam for sunnerliche Flintsteen-Warktüüch (Pebble Tools) ut de ollste Steentied. Gegen de Choppers over, de blot up eene Siet afslahn sund, is de Kling vun de Chopping Tools vun beide Kanten ut torechtslahn.

Geschichte vun de Forschung[ännern | Bornkood ännern]

De Archäoloog Hallam Leonard Movius hett 1948 fast stellt, datt Choppers un Chopping Tools sik verscheelt. Vun em hett de Movius-Lien ehrn Naam. Dor hett he mit beschreven, wie wiet Steenwarktüüch mit twee Snieden utbreedt sund over de Eer. Dor hett he ok en Unnerscheed bi maakt twuschen Chopping Tools un Fuustbiele. De verschelen sik na de Aart, wie se torecht maakt wurrn sund un ok na de Form. [1] Man Mary Leakey, de Fro, de in de Olduvai-Schlucht in Tansania de Fundstäen vun de Hominiden utbuddelt hett, weer de Meenung, de Chopping Tools weern „Proto-Tweekanters“ un dor en Vorweser vun de latern, echten Fuustbiele mit, de, vun de Technologie her, höger stunnen.[2] De ollsten Fuustbiele in Afrika sund um un bi 1,6 Mio. Johre oold un wiest den Anfang vun dat Acheuléen.

Wo dat wonnehr Chopping Tools geven hett[ännern | Bornkood ännern]

De ollsten Chopping Tools stammt ut Afrika, sunnerlich ut Fundstäen in Äthiopien un Tansania. Dor sund Chopping Tools Kennteken besunners for dat „developed Oldowan“. Dat is en högere Form vun dat Oldowan un to sien sunnerlichen Charakter höört dat to, datt de Choppers, de vördem so unbannig veel bruukt wurrn sund, nu minner wat to finnen sund un dat de Chopping Tools sik jummers mehr utbreden doot. Dorum is in de vergahn Tied ok dor over snackt wurrn, of dat developed Oldowan nich al to dat Acheuléen torekent weern möss, wat denn achterna kummt.[3] Man bovento sund Chopping Tools ok vun jungere Fundstäen bekannt, as Zhoukoudian, nich wiet af vun Peking, in'n Tosamenhang mit den Pekingminschen. Hen un wenn gifft dat ok Fundstäen in Europa, as den Hominin-Fundplatz Dmanissi in Georgien oder de Fundstäe Vertesszöllös in Westungarn.

Wie de Chopping Tools bruukt wurrn sund[ännern | Bornkood ännern]

In de Grotte verscheelt sik de Chopping Tools duchtig. Dat gifft lüttje Warktüüch, de mit twee oder dree Fingers holen weern mütt bit hen to grode Slag-Reedschoppen, de blot man mit beide Hannen to faat to kriegen weern. Bruukt wurrn sund se to'n Slahn (to'n Upspleten vun Planten mit harte Pellen oder to'n Upbreken vun Knaken, um an dat Mark ran to kamen), Snieden, Sagen, Schaven un Slachten.

Kiek ok bi[ännern | Bornkood ännern]

Literatur[ännern | Bornkood ännern]

  • J. Hahn: Erkennen und Bestimmen von Stein- und Knochenartefakten. Einführung in die Artefaktmorphologie. Archaeologica Venatoria, Band 10, 1991, Tübingen.
  • L. Ramendo: Les galets amenagés de Reggan (Sahara). In: Libyca 11, 1963, S. 43-73
  • S. Simone: Choppers et bifaces de l'Acheuléen mediterranéen. Monaco 1987.

Belege[ännern | Bornkood ännern]

  1. H.L. Movius: The Lower Palaeolithic Cultures of Southern and Eastern Asia. Transact. Am. Philos. Soc. N.S. 38, 1948, S. 329ff
  2. Mary D. Leakey: Olduvai Gorge. Excavations in beds I and II. 1960-1963. Cambridge University Press 1971, S. 5
  3. Ian Tattersall, Eric Delson et. al.: Encyclopedia of human evolution and prehistory. Garland Verlag, New York/ London 1988, 388