Chelan

Vun Wikipedia
Wesseln na: Navigatschoon, Söök

De Chelan (utspraken scha-lan) tellen to de as Native Americans betekent Indianer in' US-Bundsstaat Washington. Se tellen to de Grupp vun de Binnen-Salish. Hör Spraak weer en Wenatchee-Dialekt.

Oorsprünglich hebbt se östlich vun de Cascade Range leevt, de Bargkett, de de regenrieken Westen un den drögen Osten vun Washington vun'nanner trennt.

Geschichte[ännern | Bornkood ännern]

Anfang vun dat 19. Johrhunnert hett de Pelzhändler Alexander Ross de Tsill-anes erwähnt, de he to de Oakinacken nation reken dee. Se dreeven mit den Küsten-Salish Hannel, mussen dorto aber tonächst den langen Chehalis-See överqueren, um denn nahdem man ok de Cascade Range, överwunnen harr, en gefährlichen Padd längs vun den Skagit River to recken, de to'n Puget Sound führen dee. De mündliche Överleefern weet aber ok vun weniger freedvull Kuntakten.

An’ 14. November 1872 geev dat en swoor Eerdbeven, un de eersten kathoolschen Missionare hebbt de dorut entstahn Ängste dorto bruukt, um hör Arbeit vörantodrieven. De Chelan-Hööftling Nmosize (Innomoseecha Bill) hett sück aber dorgegen wehrt un de Missionsstatschoon vun den Jesuiten Alexander Diomedi daalbrennt. Dennoch hebbt de Chelan wenig later en kathoolsch Kark mit Naam Old Wapato Church an’ See baut, dicht bi dat hüdige Manson.[1]

1880 hett de amerikaansch Armee en Posten mit Naam Camp Chelan an ünneren Chelan Lake anleggt. De deen to dat Överwaken vun de nordwärts bit to de kanaadsch Grenz recken Reservat. In' Toog vun den Verdrag mit Chief Moses hebbt ok eenig Chelan ehr Wahnsitt an den See nommen. Aber 40 bit 50 Mannlüüd mit Long Jim as Baas, hebbt sück wiegert un dat keem to Utnannersetten, bi de dree vun Long Jim sien Lüüd fastnommen wurrn. Long Jim verlager den Kamp vör de Gerichte, aber he verlor dor.

De Chelan hemm to en vun de Stämme hörrt, de in dat Colville-Reservat upgahn sünd, den Confederated Tribes of the Colville Reservation.

Kiek ok[ännern | Bornkood ännern]

Literatur[ännern | Bornkood ännern]

  • Robert H. Ruby/John A. Brown, A Guide to the Indian Tribes of the Pacific Northwest, University of Oklahoma Press 1992, S. 17f.

Enkeld Nahwiesen[ännern | Bornkood ännern]

  1. En Afbillen funn disse Kark kann man hier finnen. De Upnahm stammt etwa ut dat Johr 1912.