Charles Crupelandt

Vun Wikipedia
Wesseln na: Navigatschoon, Söök
Charles Crupelandt

Charles Crupelandt (* 23. Oktober 1886 in Wattrelos; † 18. Februar 1955 in Roubaix) weer en franzööösch Radrennfohrer.

Charles Crupelandt hörr to de groo franzöösch Rennfohrers ut de Tiet vör den Eersten Weltkrieg. Tweemal – 1912 un 1914 – wunn Crupelandt, de in Roubaix leven dee, dat Rennen Paris–Roubaix, 1913 todem Paris-Tours.

Dreemal nehm he an de Tour de France deel. 1910 wunn he de eerste Deelstreck un keem in de Endafreken up den 6. Platz. 1911 wunn he twee Deelstrecken un keem an' Enn' up Platz veer. 1912 wunn he noch een Deelstreck bi dit Rundstreckenrennen. 1914 wurr he todem franzöösch Straatenmeester.

In' Eersten Weltkrieg wurr Crupelandt mit dat Croix de Guerre uttekent. Nah de Trüggkehr un den Krieg hett he en paar lüttgere Delikte begahn un wurr veroordeelt un doruphen vun den franzööschen Radsportverband utslooten (man nimmt an, dat dor Intrigen vun Konkurrenten achter stunnen). Crupelandt is denn Rennen för en annern franzöösschen Verband fohren un wurr noch tweemal franzöösch Meester, allerdings inoffiziell.

Charles Crupelandt is 1955, blind un beidsiedig amputeert, storven. De letzten 300 Meter vör dat Velodrom vun Roubaix sünd nah hüm „Espace Charles Crupelandt“ nömmt wurrn. To'n Anlaat vun den 100. Johresdag vun Crupelandt sien Sieg bi Paris-Roubaix in dat Johr 1914 wurr tüschen de dortig Plastersteenen lütt Marmortafeln mit de Naams vun de bitherigen Winner inlaaten.[1] Crupelandt is de eenzig Rennfohrer ut Roubaix, de en „Heimsieg“ bi dissen Klassiker henkreeg.

Enkeld Nahwiesen[ännern | Bornkood ännern]

  1. virtualtourist.com afroopen an' 1. September 2010 (engelsch)

Literatur[ännern | Bornkood ännern]

  • Pascal Sergent: Charles Crupelandt. „Le Champion de Brumes“, ou, l’épopée du cyclisme des temps héroïques. Editions de Eecloonaar, Eeklo 1999, ISBN 90-74128-60-2.

Weblenken[ännern | Bornkood ännern]