Tüten

Vun Wikipedia
(wiederwiest vun Charadriidae)
Tüten
Amerika-Heiack (Western Snowy Plover; Charadrius nivosus)
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Tüütvagels (Charadriiformes)
Familie: Tüten
Wetenschoplich Naam
Charadriidae
Vigors, 1825

De Tüten (Charadriidae) sünd en Familie mank de Tüütvagels. Unner annern höört hier de Kiewitte (mit bi 22 Aarden) to. Tüten sünd lüttje bit middelgrote Vagels, de sik meist an dat Water uphollen doot.

Kennteken[ännern | Bornkood ännern]

De lüttjeste Tüte is de Kragentüte (Charadrius collaris). Se is bi 14 cm lang un man 26 g swaar. De gröttste Tüte is de Schabellenkopp-Kiewitt (Vanellus miles), de bi 35 cm lang is un 3670 g swaar. Dat hannelt sik bi Tüten um enigermaten stevige Vagels mit korten Nacken, man mit lange, meist spitze Flunken. Bloß bi de Kiewitte sünd de Ennen vun de Flunken meist rund. De Snavel is meist kort un liek (bloß nich bi de Scheefsnaveltüte Anarhynchus frontalis). Ok de Steert is man kort. Heken un Seken verscheelt sik in dat Fedderkleed nich groot.

Wo de Tüten leven doot[ännern | Bornkood ännern]

Tüten leevt normolerwiese in opene Landschoppen an’t Water. Man dat gifft ok Aarden, bi de dat anners is, as bi de Austraalsche Renntüte (Peltohyas australis), de in dröge Steenwösten in Westaustralien vorkamen deit.

Taxonomie[ännern | Bornkood ännern]

To de Familie vun de Tüten tellt 11 Geslechter mit alltohopen 66 Aarden.[1]

Belege[ännern | Bornkood ännern]

  1. Gill, F., Wright, M. & Donsker, D. (2010). IOC World Bird Names (version 2.6). Ankeken 4-11-2010, engelsch

Weblenken[ännern | Bornkood ännern]

Tüten. Mehr Biller, Videos oder Audiodateien to’t Thema gifft dat bi Wikimedia Commons.

Kiek ok bi[ännern | Bornkood ännern]

  • List vun Vagels, List mit plattdüütsche Vagelnaams to'n Lesen un Mitmaken.