Cedar Walton

Vun Wikipedia
Wesseln na: Navigatschoon, Söök
Cedar Walton in Dachau (2001)

Cedar Anthony Walton, Junior (* 17. Januar 1934 in Dallas, Texas; † 19. August 2013 in Brooklyn, New York City[1]) weer en US-amerikaansch Jazz-Pianist.

Leven un Wark[ännern | Bornkood ännern]

Walton is in Dallas, Texas, upwussen. Nahdem he de Universität vun Denver besöcht harr, gung he 1955 nah New York. Nahdem he sien Wehrdeenst in Düütschland afleist harr, wo he mit Leo Wright, Don Ellis un Eddie Harris speel, wurr he Liddmaat in de Band vun Kenny Dorham. In de laat 1950er Johren speel he mit J. J. Johnson, dat Art Farmer/Benny Golson Jazztet un Gigi Gryce. 1959 nehm he mit John Coltrane dat Album Giant Steps up.

In de fröh 1960er Johren keem he för dree Johr to Art Blakey´s Jazz Messengers as Pianist un Arrangeur, wo he mit Wayne Shorter un Freddie Hubbard speel, so as up dat Album Mosaic 1961. He hett de „Messengers“ 1964 nah dat Album Free for All verlaaten, um bi Abbey Lincoln un bi Lee Morgan to arbeiten. In de laat 1960er Johren speel he bi de Huus-Rhythmusgrupp vun Prestige Records, wo he nich blots bi Platten vun Sonny Criss, Pat Martino, Eric Kloss un Charles McPherson mitwarken dee, sonnern ok eegen Upnahmen vörlegg.

Midden vun de söbentiger Johren hett nich blots de Funkgrupp „Mobius“ leit, sonnern ok sien Band „Eastern Rebellion“, in de u. a. Clifford Jordan, George Coleman, Bob Berg, Sam Jones un Billy Higgins uptreden deen.

Sien bekanntst Stück ist „Bolivia“, wiels sien öldst „Fantasy in D“ ünner den Titel „Ugetsu“ vun Art Blakey in dat Johr 1963 upnommen wurr.

2010 kreeg he de NEA Jazz Masters Fellowship.

Diskographisch Hinwiesen[ännern | Bornkood ännern]

Referenzen[ännern | Bornkood ännern]

  • Bailey, Phil (1985) Volume 35 – Cedar Walton, Jamey Aebersold, 1985.

Weblenken[ännern | Bornkood ännern]