Carol Widney Greider

Vun Wikipedia
Wesseln na: Navigatschoon, Söök
Carol Greider in’ März 2009

Carolyn Widney "Carol" Greider (* 15. April 1961 in San Diego, Kalifornien, USA) is en US-amerikaansch Molekularbiologin, de dör hör Arbeiten över dat Enzym Telomerase bekannt wurr. Se kreeg tosommen mit Elizabeth Helen Blackburn un Jack Szostak den Nobelpries för Physiologie oder Medizin för dat Johr 2009 tospraken.[1]

Wetenschaplich Werdegang[ännern | Bornkood ännern]

Carol Greider wuss in Davis (Kalifornien) up, wo hör Vader as Physikperfesser up de Campus Davis vun de Universität vun Kalifornien tätig weer. Se studeer Biologie in dat kalifornisch Santa Barbara, wo se hör Afsluss 1983 mit den Titel vun B.A. makt hett. Hör 1987 vörleggt Dokterarbeit över de Funktschoon vun Telomeren hett Carol Greider in dat Labor vun Elizabeth Blackburn an de Universität vun Kalifornien in Berkeley anfertigt, wo beid gemeensam hör bahnbrekend Opdecken to dat Enzym Telomerase makt hebbt. dat en entscheedend Rull bi de Zelldeelen un dat Öllerweerden vun Zellen speelen deiht. In de folgend Johren hett se sück besünners mit de Konsequenzen vun en Fehlfunktschoon vun Telomeren un Telomerase för de Arvsubstanz, de genomische Stabilität vun de Zelle un den Organismus beschäftigt.

Siet 1993 hett se de Daniel-Nathans-Professur un is Direktorin vun de Afdeelen för Molekularbiologie un Genetik vun de Johns Hopkins Universität in Baltimore.

Priesen un Ehrungen[ännern | Bornkood ännern]

Enkeld Nahwiesen[ännern | Bornkood ännern]

  1. Vörlaag:Nobel-med
  2. nasonline.org

Literatur[ännern | Bornkood ännern]

eegen Publikationen
  • Carol W. Greider, Elizabeth H. Blackburn (1989): A telomeric sequence in the RNA of Tetrahymena telomerase required for telomere repeat synthesis. In: Nature. Bd. 337, Nr. 6205, S. 331–337. PMID 2463488 Vörlaag:DOI
  • Carol W. Greider, Elizabeth H. Blackburn (1985): Identification of a specific telomere terminal transferase activity in tetrahymena extracts. In: Cell. Bd. 43, Nr. 2, S. 405–413. PMID 3907856 Vörlaag:DOI
Sekundärliteratur
  • Regina Nuzzo (2005): Biography of Carol W. Greider. In: Proceedings of the National Academy of Science U.S.A. Bd. 102, Nr. 23, S. 8077-8079.

Weblenken[ännern | Bornkood ännern]

Commons-logo.svg Category:Carol Greider. Mehr Biller, Videos oder Audiodateien to’t Thema gifft dat bi Wikimedia Commons.