Carl Gustav Mosander

Vun Wikipedia
Wesseln na: Navigatschoon, Söök
Carl Gustav Mosander 1851

Carl Gustav Mosander (* 10. September 1797 in Kalmar, Sweden; † 15. Oktober 1858 in Ängsholm, Sweden) weer en sweedschen Chemiker un Chirurg.

Leven[ännern | Bornkood ännern]

Nah en Apothekerlehre hett Mosander af 1819 Medizin studeert. Later henn weer he Professer för Chirurgie an dat Karolinska-Institut in Stockholm. Jöns Jacob Berzelius hett hüm all temek fröh för de Chemie begeistern kunnt un wurr denn ok sien Mentor. 1836 hett Mosander as ördentlich Professer för Chemie un Pharmazie sien Nafolg antreden.

1839 is Mosander to Ehren een nieg opdeckt Lanthanmineral Mosandrit nah hüm nömmt wurrn.

Leistungen[ännern | Bornkood ännern]

Mosander hett sük över 20 Johr mit de Chemie van de Roor Eerden befaat un hett en poor cheemsch Elementen opdeckt.

1826 hett he en tosätzlich Oxid in’n Cerit funnen un in de Johren 1839 bit 1843 hett he Ceriteer in Cer-, Didym- un Lanthanoxid uptrennt. Up disse Grundlaag hett he 1839 eerstmals Verbinnen van dat Lathan isoleert und postuleert 1840 dat Element Didym, wat sük later henn as’n Mischen rutstellen de.

1843 hett he Yttrium, Erbium un Terbium ut de van Johan Gadolin 1794 beschreven Yttereer updeckt.