Klockenspeel

Vun Wikipedia
(wiederwiest vun Carillon)

En Klockenspeel oder Carillon (up Nedderlannsch ok Beiaard) is en Musikinstrument, dat mit en Klavier bespeelt warrt. So'n Klockenspeel besteiht ut een oder ut mehrere Reegen Klocken. Na de Definitschoon vun de World Carillon Federation mutt en Instrument tominnst 23 Klocken vörwiesen, wenn dat den Naam vun en Klockenspeel verdeenen will. Dat heet, dor mütt twee chromaatsche Oktaven up speelt weern könen, sunner Cis un Dis in de unnerste Oktave. De Lehr vun Klocken un Klockenspeele heet Klockenkunne oder Campanologie.

Dat Carillon in den Munttoren to Amsterdam

Geschichte[ännern | Bornkood ännern]

Klockenspeel in Barcelona.

Dat Instrument is upkamen in de Nedderlannen in dat 16. Johrhunnert. Dormols hefft de Städer, de wat rieker weern, de Karkentoorns nich bloß för dat Ooge upsmückt, man ok nee Klocken dor uphungen. Bannig bekannte Klockengeters sünd de Bröer Pieter un François Hemony in dat 17. Johrhunnert ween. Se hefft tohopenarbeit mit den Utrechtschen Klockenspeeler Jacob van Eyck. Later hefft ok annere Bowarke, as man bloß Karken, en Klockenspeel kregen. En beröhmt Bispeel is dor dat Carillon in de Universitätsbibliothek in Leuven för.

Dat Woort Carillon is tohopentagen ut quadrillon. Dor steekt de Tahl veer in. An un for sik weer dor en Weck- oder Vorslag mit meent, d. h., dat weern veer Klocken, de en lüttje Melodie speelt hefft, um dor den Stunnenslag mit an to künnigen. En beröhmt Bispeel dorför is hüdigendags noch de Big Ben.

Wichtige Komponisten un Spelers up dat Klockenspeel[ännern | Bornkood ännern]

Weblenken[ännern | Bornkood ännern]

Carillonmusik[ännern | Bornkood ännern]

Internatschonal[ännern | Bornkood ännern]

Belgien[ännern | Bornkood ännern]

Nedderlannen[ännern | Bornkood ännern]

Frankriek[ännern | Bornkood ännern]