Cal Tjader

Vun Wikipedia
Wesseln na: Navigatschoon, Söök

Callen Radcliffe Tjader (* 16. Juli 1925 in St. Louis, Missouri, USA; † 5. Mai 1982 in Manila, Philippinen) weer en Latin-Jazz-Musiker, de vör allen as Vibraphonist bekannt wurr.

Werdegang[ännern | Bornkood ännern]

Tjaders Eltern stammen ut Sweden; sien Vader weer Musikdirekter un Speelbaas vun en Varieté. So kunn Cal in en Umfeld vun Musik un Theater upwassen. All fröh wull he Danzser wurrn, wat he denn ok as Kind up de Bühn vun sien Öllern, as ok in eenig Paramount-Filmen makt hett. Later henn hett he sück aber entscheeden, Musiker to wurrn. He harr anfungen Slagtüüch to spelen un fung an, Enn’ vun de 1940er Johren mit lütt Gruppen in Kalifornien uptotreden.

1949 hett hüm Dave Brubeck för sien Trio engageert un hett 10 Alben mit hüm upnommen. As Tjader dat Trio verleet, arbeitet he eerstmal en Tiet lang mit den Gitarristen Alvino Rey tosammen, bevör he 1953 to de Band vun George Shearing wessel, in de sien Combo he sien eerst Upnahmen an dat Vibraphon makt hett. Een Johr later wurr hüm en Plattenverdrag vun Dave Brubecks Plattenlabel Fantasy anboden. Dat Resultat weern över 30 Alben, entstahn över en Tietruum vun 10 Johren.

Wirken[ännern | Bornkood ännern]

Mit sien Cal-Tjader-Quintett van de 1950er Johren hörr he to de Wegbereiter vun de West-Coast-Jazz. Völ Musiker as t.B. Vince Guaraldi kunnen later vun Tjaders Errungenschaften profiteeren. Besünners Spood harr Tjader as Musiker vun den Latin-Jazz. He gellt as en vun de wichtigst Musiker vun de Mambo-Well, de in de 1950er Johren de USA förmlich överspölt hett.

1963 nehm dat Plattenlabel CTI Records Tjader ünner Verdrag. Tosommen mit den düütschen Arrangeur Claus Ogerman kunn he mit de Plaat Soul Sauce en vun de spoodrieksten Jazz-Alben vun de 1960er Johren vörleggen. En Single dorut − Soul Sauce (Guachi Guaro) − hull sück över Weeken in de US-Musik-Charts.

Bit hüüd wurrd Tjader vör allen vun lateinamerikanisch Musikern düchtig acht. Latin-Musiker as Armando Peraza, Mongo Santamaría, Willie Bobo, Candido, Eddie Palmieri un ok Tito Puente hebbt mit Tjader tosommenarbeit, ebenso Künstler as Stan Getz un Carmen McRae. Dat is aber en Kuriosum, dat Tjader en vun de wenig Musiker vun de Latin-Szene is, de nich lateinamerikaansch Herkunft weern. He hett sogor tietwies Bands leit, in de nich een Latino speel. Bit hüüd sünd ok völ Tribute-Alben entstahn, ünner annern vun Dave Samuels, Poncho Sanchez un besünners Gary Burton. Tjader wurrd to de Mitbegrünner vun de Latin-Jazz tellt. Sien Klang is bit hüüd musikalisch einflootriek bleven un hett de Stellung vun dat Vibraphon as Solo-Instrument in’ Jazz festigt.

Diskografie (Utwahl)[ännern | Bornkood ännern]

  • The Cal Tjader Trio, Fantasy 3-9
  • Mambo with Tjader, Fantasy 3202
  • Tjader Plays Jazz, Fantasy 3211
  • Ritmo Caliente, Fantasy 3216
  • Tjader Plays Mambo, Fantasy 3221
  • Cal Tjader Quintet, Fantasy 3232
  • Jazz at the Blackhawk, Fantasy 3241
  • Cal Tjader's Latin Kick, Fantasy 3250
  • Cal Tjader, Fantasy 3253
  • Mas Ritmo Caliente, Fantasy 3262
  • Live and Direct, Fantasy 3315
  • Cal Tjader Plays, Mary Stallings Sings, Fantasy 3325
  • Last Night When We Were Young, Fantasy 3482
  • Breathe Easy, Fantasy 5107
  • Latin for Dancers, Fantasy 8079
  • Several Shades of Jade, Verve V6-8507
  • Sona Libre, Verve V6-8531
  • Breeze from the East, Verve V6-8575
  • Warm Wave, Verve V6-8585
  • Soul Sauce, Verve V6-8614 (1964)
  • Soul Bird-Whiffenpoof, Verve V6-8626
  • Soul Burst, Verve V6-8637
  • Along Comes Cal, Verve V6-8671
  • The Best of, Verve V6-8725
  • Doxy, Verve V6S-8820
  • Return Engagement, Verve V6-8843
  • La Onda Va Bien, Concord Jazz 113
  • The Shining Sea, Concord Jazz 159
  • A Fuego Vivo, Concord Jazz 176
  • The Cal Tjader-Stan Getz Sextet, Fantasy 3266
  • Cal Tjader plays Harold Arlen, Fantasy 3330/OJC 285

Weblenken[ännern | Bornkood ännern]