Buttfoor

Vun Wikipedia

Buttfoor (hoochdüütsch Buttforde) is en bit 1972 sülvständig wesen Dörp, dat nu to Wittmund hörrt, mit 446 Inwahners (Stand: Enn: 2011) up een Rebeet vun 24,34 km². Nah de Rebeetsreform is dat Dörp siet 1972 en Stadtdeel van Wittmund.

Historie[ännern | Bornkood ännern]

To’n ersten Mal höört oder lesen hett man 1420 in dat Stader Copiar, en Uplistung van Karken in dat Bisdom Bremen, över Buttfoor. Domols heet dat ober noch „Buteferde“. „Buteferde“ oder later „Butaferde“ bedüüt so vööl as Butendamm. Disse Düüden entstammt vun dat Testament vun den Hicko Bonings vun Weerm ut dat Johr 1491. Dat old Karkspeel hett etwa 20 verscheeden Siedlungsnaams un Hoffbeteken.

Wat antokieken is[ännern | Bornkood ännern]

St.-Marienkark Buttfoor

Bedüüdend, ok över de Grenzen vun dat Harlingerland rut, is de St.-Marien-Kark to Buttfoor, de de domolig Sendkark to Steesdörp anslooten weer. De Granitquaderkark wurr etwa van 1220 bit 1240 baut. 1681 wurr noch en Vörbau erricht, de 2005 grundleggend saneert wurde. In de Kark befind sück de noch erhollend un funktschoneerend Örgel vun den bedüüdend Meester Joachim Richborn ut dat Johr 1681.

In de gesünnert stahnd Klockentoorn is de Marienklock vun den Klockengeeter Berend Klinghe to Bremen (1456 bis 1474). Disse Klock weer aber oorsprünglich för de Kark in Fulkum (hüüd to Holtgast) vörsehn un wurr 1475 vun dat Karkspeel Fulkum köfft.

Bekannt Lüüd ut dit Dörp[ännern | Bornkood ännern]

  • Folkert Krey, Verfaater vun en bekannt oostfreesch Reekenbook (1692-1775)

Literatur[ännern | Bornkood ännern]