Bunn

Vun Wikipedia
Wapen/Flagg Koort

Wapen vun Bunn

Bunn
Laag vun Bunn in Düütschland
Basisdaten
Bundsland: Neddersassen
Landkreis: Leer
Flach: 121 km²
Inwahners: 7.555 (30. Juni 2005)
Inwahnerdicht: 62,4 Inwahners pro km²
Hööchd: 2 m över de See
Postleettall: 26831
Vörwahl: 04953
Geograafsche Laag:
Koordinaten:53° 11′ N, 7° 16′ O
53° 11′ N, 7° 16′ O
Grenzen bi OSM: 1255784 1255784
Gemeenslötel: 03 4 57 024
Öörd in de Gemeen: 5
Börgermeester: Gerald Sap (SPD)
Websteed: www.gemeinde-bunde.de
Karte

De Gemeente Bunn (Hoogdüütsch Bunde) in d' Landkreis Leer, Neddersassen, liggt in d' Rheiderland in Oostfreesland, westelk van Leer, dicht bi de Dullert un de Grenz to de Nedderlannen.

Inwahners[ännern | Bornkood ännern]

De Gemeente Bunn hett 7.580 Inwahners (5. November-Maand 2004), in de Ortsdeelen:

  • Boen (461 Inwahners, meest Lü van d' Bueree)
  • Bunn (3.885 Inwahners)
  • Bunnerhee (598 Inwahners)
  • Dullert (1.285 Inwahners)
  • Wymeer (1.351 Inwahners)

Geografie[ännern | Bornkood ännern]

De Oort Bunn liggt boven up en Geest-Rügg, de van Süden na Noorden wiet in de Marsch un de Pollers löpt. Oostelk un südelk gift dat Hoogmooren.

De Flecken Bunn is en Dörp mit en Kark und en Siedeln, de de Verloop van de Geest in en Rieg folgen deit. Daar liggt ok dat Steenhus, en oll Burganlaag.

Wahrteken is de Windmöhlen van 1911. Sie is en van de gröttste Möhlen in heel Oostfreesland.

Verkehr[ännern | Bornkood ännern]

Dör de Gemeente Bunn fahrt de Iesenbahn up de Streek tüsken Leer un Grunneng. Dartoo gift dat de Bunnsstraat 436 (ok: Gröön Küstenstraat/E 22) un de Autobahnen A 31 un A 280. Bunn hett twee Tofahrten up de Autobahn; en direktemang an't Geschäfts-Rebeet Bunn-West an de nederlannske Grenz.

Politik[ännern | Bornkood ännern]

Seetupdeelen in d' Gemeenteraad siet de Wahl van 2001:

  • Buurmester 1 Seet
  • SPD - 14 Seeten
  • CDU - 6 Seeten

Buurmester is Gerald Sap (SPD).

Geschicht[ännern | Bornkood ännern]

Fröher was Bunn en Samtgemeente, man in dat Johr 2001 hebben sük de Leden-Gemeenten tosammen doon.

Bunn hörde bit an d' 31. Dezember 2004 to de Regeerensbezirk Werser-Eems, de denn bi en Verwaltensrefoorm uplöst wurr.

Gloov un Karken[ännern | Bornkood ännern]

In de Oort Bunn gift dat dree Karken. De ollste is de Kark van de evangeelsch-reformeerte Gemeente. Junger sünd de Karken van de Ollreformeerten Gemeente un van de luthersche Gemeente. Denn gift dat noch en reformeerte Kark in de Oortsdeel Wymeer un twee in de Oortsdeel Dullert, in de Dörpen Ditzmerverlaat un Landskappspoller. In Boen gift dat en Free Bibelgemeente sünner en Karkenboo.

Weblinks[ännern | Bornkood ännern]