Brora (Brenneree)

Vun Wikipedia
Brora

De Brenneree Brora (Foto: Andrew Wood)

Land Schottland
Region Highlands
Tyyp Malt
Status stillleggt (1983)
Besitter Diageo
Grünnt 1819
Grünner George Granville Levison-Gower
Waterborn Clynemilton Burn
Washstill(s) 1
Spiritstill(s) 1
Produkschoonsvolumen 20.000 Gallonen (1886)[1]

Brora weer en Whisky-Brenneree in Brora, Highland, Schottland. De Brennereebowarken sünd in de schottischen Denkmollisten in de Kategorie B insorteert.[2]

Historie[ännern | Bornkood ännern]

De Destille is 1819 ünner den Naam Clynelish ut politische Grünnen vun George Granville Levison-Gower, den tweeten Marquis vun Stafford un lateren Duke of Sutherland grünnt. Sien Teel weer, de Swartbrenners inn Verloop vun de Highland Clearances de Grundlaag för jemehrn Verdeenst wegtonehmen, üm jem ton Ümtehn to bewegen[3]. In de eersten beiden Johrteihnten hett teemlich faken den Pächter wesselt. Eerst Geroge Lawson hett vun 1846 an för längere Tiet dat Seggen hatt in de Brenneree. 1896 is de Destille to glieke Deelen an den Blendhersteller James Ainslie & Co ut Glasgow un John Risk, de ok de Bankier-Brenneree in Banknock bedreven hett, verköfft worrn. 1925 is se in den Besitt vun de Distillers Company Ltd. (DCL) un weer af 1930 Deel vun de Scottish Malt Distillers (SMD). Twüschen 1931 un 1939 weer de Destille stillleggt[4].

1967 schüll de Destille den dicht maakt warrn. An ehr Steed weer en ne’e Clynelish-Brenneree boet. Man, wegen dat Weder is to de Tiet de Produkschoon vun de stark törfigen Whiskys vun’t Eiland Islay torüchgahn wesen, de to’n Mischen vun Blendwhiskys bruukt weer. Dorüm is de olle Brenneree nu ünner den Naam Clynelish A wieder bedreven worrn, parallel to de ne’e Clynelish B. Wobi in Clynelish A nu de Whisky ut dat törfige Molt herstellt weer. Laterhen is de olle Destille denn in Brora ümnöömt worrn un de ne’e Destille weer eenfach blots noch Clanelish nöömt. Brora weer denn noch bit 1983 wieder bedreven un is denn tietgliek mit verscheden annere Brennereen dicht maakt worrn.

Kiek ok[ännern | Bornkood ännern]

Borns[ännern | Bornkood ännern]

  1. A. Barnard: The Whisky Distilleries of the United Kingdom, 1887, S. 160–161.
  2. Indrag in de schottischen Denkmollisten
  3. Indrag op whiskiesofscotland.com
  4. Indrag op wormtub.com


Koordinaten:58° 1′ N, 3° 52′ W