Bremerhobener Stadtverorntenversammlung

Vun Wikipedia

De Bremerhobener Stadtverorntenversammlung is dat Stadtparlament von de Stadt Bremerhoben. De Versammlung besteiht ut 48 Stadtverornte. Den Vörsitt hett de Stadtverorntenvörsteher, de mit veer Bisitters den Vörstand von de Versammlung billt.

Binnen de Bundsrepubliek Düütschland billt de Bremerhobener Stadtverorntenversammlung en Utnahm wat de kommunale polietsche Struktur angeiht. De Versammlung hett mit ehr Magistraatsverfaten Rechten, de annere Stadtparlamente nich hebbt. De Stadtverfaten von Bremerhoben kann von de Stadtverorntenversammlung mit Twee-Drüddel-Mehrheit ännert warrn. Ünner annern is de Böverbörgermeester direkt tostännig för de Polizei in Bremerhoben. Ok de Schoolmeesters kann de Stadt direkt instellen, ahn dat dat Land Bremen dor wat bi to seggen hett.

Na de Wahl 2011 hebbt sik FDP un B+B to de Bremerhobenfrakschoon tohoopslaten. De Partein De Linke, Piratenpartei un RRP hebbt tohoop de Frakschoon RePiLi billt.[1] In’n November 2012 sünd de beiden Stadtverornten von de Linke in de RRP ringahn.[2] Dorüm hett sik de Frakschoon ut Bündnis 21/RRP un Piratenpartei den ne’en Naam B21-Piraten geven. An’n 28. März 2013 is de Stadtverornte Rebecca Sarnow ut dat Bündnis 21/RRP rut un in de BIW rin. Dormit hett de BIW den Status as Frakschoon kregen.[3]

Seten[ännern | Bornkood ännern]

Wahl an’n SPD CDU FDP Gröne DP KPD NPD DVU SRP BHE AFB BIW De Linke RRP B+B Piraten  För Bremerhoben
12. Oktober 1947 23 8 5 7 5
7. Oktober 1951 19 19* * * 3 3 4
9. Oktober 1955 23 8 4 13
11. Oktober 1959 28 7 3 10
29. September 1963 29 15 4
1. Oktober 1967 25 15 4 4
10. Oktober 1971 29 16 3
28. September 1975 26 17 5
7. Oktober 1979 27 16 5
25. September 1983 27 18 3
13. September 1987 24 12 4 6 2
29. September 1991 20 14 4 5 5
24. September 1995 16 19 6 3 4
26. September 1999 22 20 3 3
28. September 2003 18 16 4 6 4
13. Mai 2007 16 12 5 6 3 3 3
22. Mai 2011 16 9 2 11 1 3 2 1 1 1 1
* 1951 hebbt CDU, FDP, DP un Unafhängige en Wahlblock billt

Stadtverorntenvörsteher[ännern | Bornkood ännern]

Footnoten[ännern | Bornkood ännern]

  1. Vereinbarung über eine Zusammenarbeit zwischen RRP, Piratenpartei und Die Linke als Fraktion in der 18. Wahlperiode der Stadtverordnetenversammlung Bremerhaven 2011 – 2015. (PDF; 51,9 KB)
  2. Linke gehen in Rente. Nordsee-Zeitung 13. November 2012
  3. „Bürger in Wut“ erlangen Fraktionsstatus. Junge Freiheit 28. März 2013

Weblenken[ännern | Bornkood ännern]