Braeval

Vun Wikipedia
Braeval

De Brenneree Braeval (Foto: Iain Macaulay)

Land Schottland
Region Speyside
Tyyp Malt
Status aktiv
Besitter Pernod Ricard
Grünnt 1973
Grünner Chivas Brothers Ltd.
Waterborn Preenie- un Kate’s Well
Washstill(s) 2 x 22.000 l
Spiritstill(s) 4 x 10.000 l
Produkschoonsvolumen 4.000.000 l

Braeval (ehmols: Braes of Glenlivet) is en Whisky-Brenneree in Chapeltown of Glenlivet, Banffshire, Schottland.

Historie[ännern | Bornkood ännern]

De Brennere Braeval is 1973 ünner den Naam Braes of Glenlivet dör de Seagram-Dochter Chivas Brothers grünnt worrn. Se weer al na twee Johren vun dree op fief, un 1978 denn op söss Brennblasen vergröttert. Siet 1995 driggt de Destille den Naam Braeval, üm nich mit de Brenneree Glenlivet verwesselt to warrn. 2001 is dat Spiritousen-Segment vun Seagram un somit ok de Destille an Pernod Ricard verköfft worrn, de de Brenneree in’n August 2002 stillleggt hebbt. In’t Johr 2008 is de Brenneree denn wedder apen maakt worrn, üm de tokamen Nafraag an Blends afdecken to künnen. As Single Malt warrt de Whisky nich so faken affüllt[1].

Produkschoon[ännern | Bornkood ännern]

Braeval Single-Malt-Whisky (vun en unafhangigen Affüller)

Braeval höört to dat Whiskyrebeet Speyside. Dat Water kummt ut de Preenie- un Kate’s Wells. In de Brenneree gifft dat een Meeschfatt (Mash tun) vun 8,4 t ut Eddelstahl un föffteihn Gäärfatten (Wash backs) vun tosamen 660.000  l, de ok ut Eddelstahl sünd. Brennt warrt in twee Wash stills to 22.000 l un veer Spirit stills to 10.000 l, de över Damp hitt maakt warrt. De Brenneree hett keen egen Lagerhüüs, so dat de Whisky to Tieten vun Seagram in Keith affüllt un lagert weern. Egen Affüllen gifft dat vun Braeval nich.

Kiek ok[ännern | Bornkood ännern]

Borns[ännern | Bornkood ännern]

  1. http://www.theherald.co.uk/business/news/display.var.2082510.0.Pernod_plans_expansion.php

Weblenken[ännern | Bornkood ännern]

Braeval. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:57° 16′ N, 3° 16′ W