Bobby Bradford
Bobby Bradford (* 19. Juli 1934 in Cleveland, Mississippi) is en US-amerikaansch Jazztrompeter.
Bradford is in Dallas upwussen, speel in de Highschool un in' College mit Cedar Walton un David Newman. 1953 gung he nah Los Angeles, wo he eerstmals mit Ornette Coleman arbeiten un mit Wardell Gray, Gerald Wilson un Eric Dolphy uptreden dee. Nah Militärdeenst un Studium (an dat Huston-Tillotson College, Bachelor of Music) hett he tüschen 1961 un 1963 in dat Coleman-Quartett arbeit Ansluutend gung he an de Westküst torüch, wo he 1965 mit John Carter en Band grünn. In de 1970er Johren hett he weer mit Coleman Upnahmen maakt un verbroch längere Tiet in Europa, wo he mit John Stevens un Trevor Watts in dat Spontaneous Music Ensemble arbeiten dee. Dornah leev he weer in Los Angeles, wo he mit sien Mo'tet Avantgarde Jazz speelt. He lehrt an dat Pasadena City College in Pasadena (Kalifornien) un an dat Pomona College in Claremont (Kalifornien).
Sien Dochter is de Singersche un Hoochschoollehrerin Carmen Bradford (* 1960).
Diskographisch Henwiesen[ännern | Bornkood ännern]
- Love's Dream (Emanem, 1973) mit Trevor Watts, Kent Carter un John Stevens
- Purple Gums (Asian improvs, 2002) mit Francis Wong, William Roper
Literatur[ännern | Bornkood ännern]
- Steven L. Isoardi (2006). The Dark Tree: Jazz and the Community Arts in Los Angeles. George Gund Foundation Book in African American Studies. Berkeley: University of California Press. ISBN 0-520-24591-1
- John Litweiler (1990). The Freedom Principle: Jazz After 1958. New York: Da Capo Press. ISBN 0-306-80377-1