Bloodbank

Vun Wikipedia
Wesseln na: Navigatschoon, Söök

In en Bloodbank warrt Bloodkonserven vun all Sorten lagert. För de ünnerscheedlichen Orden vun Bloodkonserven (Erythrozyten-Konserven, Vullblood-Konserven, Thrombozyten) gellt ünnerscheedliche Lagerbedingen. Ok de Tietrüüm, över de de Konserven lagert warrn künnt, sünd verscheden. Eenige Sorten vun Bloodkonserven mööt jümmerto bewegt warrn, annere dorgegen künnt infroren warrn.

Krankenhüüs[ännern | Bornkood ännern]

Jeed Krankenhuus hett en egene lütte Bloodbank, mit de sik dat sülvst versorgen kann. Wo groot so en Bloodbank is, hangt vun de Grött vunt Krankenhuus af, un ok drovun, wat dat vun Krankenhuus is: Swoorpunktkrankenhüüs, de faken Operatschonen maakt, bi de veel Blood verloren gahn kann, mutt gröttere Mengden an Bloodkonserven praat hebben. Tomeist warrt in disse Bloodbanken Erythrozyten-Kunzentraten un Thrombozyten lagert. De Mengde, de bruukt warrt, mutt dorbi nau bestimmt warrn, vunwegen dat sik de Erythrozyten blots 42 Daag, de Thrombyzyten sogor blots 4 Daag lagern laat. Dorna künnt de Konserven nich mehr bruukt warrn. Blots dat Bloodplasma lett sik wat lichter behanneln un kann infroren bit to twee Johren lagert warrn.

Universitätskliniken hebbt in’n Gegensatz dorto tomeist Bloodbanken mit veel grötteren Ümfang. Deelwies warrt hier ok Blood, dat wegen en anonym Sülvstutsluten nich to’n Spennen freegeven is, för Experimenten nütt warrt. Wenn in en Krankenhuus en roor Bloodkonserv bruukt warrt, de nich op Lager is, kann bi en annere Bloodbank dat Blood afropen warrn. Dat Blood, dat bruukt warrt, kann denn mit en Auto oder ok mit en Krankenwagen na dat Krankenhuus bröcht warrn, so dat in höchstens dree Stünnen dat nödige Blood ankummt. In eenige Bundslänner gifft dat dorför egens en Bloodnootfalldeenst, de de Bloodkonserven ok mit Sünnerrechten transporteren deit, wenn dat nödig is.

Bedrievers vun Bloodbanken[ännern | Bornkood ännern]

Dat gifft ünnerscheedliche Bedrievers vun Bloodbanken. Dat Düütsche Ro’e Krüüz is in Düütschland bedirever vun een vun de gröttsten Bloodbanken. In jeed Bundsland gifft dat ruchweg twee bit dree Bloodbanken.

In Öösterriek warrt dat Öösterrieksche Ro’e Krüüz as gröttste Bedriever ansehn. In’t Bundsland Tirol warrt jeed Johr ruchweg 50.000 Vullbloodspennen, 1.000 Egenbloodspennen un 6.000 Thrombozytenkunzentraten afnahmen.[1]

Kiek ok[ännern | Bornkood ännern]

Borns[ännern | Bornkood ännern]

  1. Historie un Opgaven vun de Bloodbank Innsbruck