Berliner Stadtslott

Vun Wikipedia
Wesseln na: Navigatschoon, Söök
Dat Berliner Stadtslott um 1900 rüm, rechts dat Kaiser-Willem-Nationaldenkmal
Wo dat vörmolige Stadtslott legen hett, Tostand um 1930 rüm
Der Memhardt-Plan vun 1652 wiest de Lage vun den Slottbezirk up de Spreeinsel in't nöördliche Cölln. En Piel links unnen an'n Rand wiest na Norden
Berliner Slott um 1685 rüm. Bild vun en unbekannten Künstler
So hett Schlüter sien Plaan for dat nee Slott maakt, ca. 1702 rüm
Wilkamen vun August den Starken in't Berliner Stadtslott, 1729

Dat Berliner Slott, hüdigendags ok Berliner Stadtslott nömmt, weer de Hööftresidenz (Winterresidenz) vun de Markgreven un Kurförsten vun Brannenborg, later de Seet vun de Könige in oder vun Preußen un vun den Düütschen Kaiser. Dat hett up de Spreeinsel in den hüdigen Oortsdeel Berlin-Mitte vun Berlin stahn.

Vun de Novemberrevolution vun 1918 af an is dat Slott as Museum bruukt wurrn, wieldes allerhand allerhand annere Inrichtungen dor Deele vun hüürt harrn, as de Kaiser-Willem-Sellschop un de Nootgemeenschop vun de düütsche Wetenschop. In'n Tweeten Weltkrieg hett dat Bowark duchtig wat afkregen. Man toeerst is dat for Utstellungen fudderhen bruukt wurrn. 1950 hett Walter Ulbricht beslaten, dat Slott scholl in'e Luft jaagt weern un an de Stäe scholl en groten Platz to'n Upmarscheern hen. Ulbricht weer dortieds Generalsekretär vun dat ZK vun de SED. Dat is denn ok vun'n 7. September bit to'n 30. Dezember so umsett wurrn. 1959 is denn ok noch dat lüttje Slott in'n Monbijoupark afreten wurrn, wat nich wiet weg weer. Vun 1973 bit 1976 is up den Grund vun dat Slott de Palast vun de Republiek boot wurrn, de midderwielen (2006-2008 ok al afreten wurrn is.

2007 hefft de Düütsche Bundsdag un dat Land Berlin beslaten, vun 2010 af an scholl dat Berliner Stadtslott wedder upboot weern. Man in'n Juni 2010 is denn afmaakt wurrn, in'n Tosamenhang mit den Willen, bi'n Bundshuusholt to sparen, scholl dat eerst 2014 mit den Bo losgahn.[1][2] Vun dat Bundsboministerium is an'n 23. November 2010 en neen Plaan vorstellt wurrn, de dor up to will, dat dat Slott bit 2019 wedder steiht.[3]

Dat Bowark steiht just up den Grund un is just so groot as dat ole Slott. An dree Sieten an de Butensiet un ok an de Binnensiet schöllt de olen Fassaden namaakt weern, eene Siet sütt anners ut, as dat fröher mol weer. Heten schall dat Ganze denn Humboldt-Forum. Deele schöllt for de Bökeree vun de Humboldt-Universität to Berlin bruukt weern, man dor schall dat ok Utstellungen vun de Stiftung Kulturbesitt Preußen in geven.

Belege[ännern | Bornkood ännern]

  1. Berliner Schloss: Wiederaufbau wird auf 2014 verschoben. In: Spiegel Online, 7. Juni 2010
  2. Andreas Kilb: Die Brache der Nation. In: Frankfurter Allgemeine Zeitung. 8. Juni 2010
  3. Berliner Schloss soll bis 2019 wieder stehen. In: Fuldaer Zeitung, 23. November 2010