Bendix

Bendix (ok Benedix) is een plattdüütschen Vörnaam for Jungs. Besunners begäng is düsse Naam in Noordfreesland un up de noordfreeschen Eilannen.

Herkamen

De Naam kümmt ut de latiensche Spraak. Bene heet goot un dictus is dat Partizip Perfekt Passiv vun dicere. Dat heet snacken. De beiden Wöör tohopen sünd dat eene Woort Benedictus.Dat heet goot spraken oder goot seggt. Bedüden deit dat soveel as Een, öber den een Segen spraken is oder Een, de segent is.

De plattdüütsche Naam

As dat bi de Plattdüütschen begäng weer, is de Naam Bendix de korte Form vun den öllern latienschen Naam Benedictus. Plattdüütsche Naams sund jümmers afkört. Ut Benedictus is Bendix wurrn oder tominnst Benedix.

Anner Spraken

• Afkört: Benni, Bendix, Benz, Bene, Ben, Beno, Benno
• Skandinaavsch (däänsch/norweegsch/sweedsch): Benedikt, afkört: Bent, Bengt, Bendix, Bendik usw.
• engelsch: Bennett, Bennet
• franzöösch: Benoît
• hebrääsch : Baruch ברוך
• italieensch: Benedetto
• poolsch: Benedykt
• portugeesch: Bento
• spaansch: Benito

Weblenken

• Wofaken un woneem de Vörnaam in Düütschland vörkummt: Bendix

Kiek ok nah bi de List vun plattdüütsche Vörnaams