Ben Nevis (Brenneree)
| Ben Nevis | |
|---|---|
 Brenneree Ben Nevis (Foto: Jonathan Billinger) | |
| Land | Schottland |
| Region | Highlands |
| Tyyp | Malt |
| Status | aktiv |
| Besitter | Nikka |
| Grünnt | 1825 |
| Grünner | John MacDonald |
| Waterborn | Allt A Mhullin Burn |
| Washstill(s) | 2 |
| Spiritstill(s) | 2 |
| Produkschoonsvolumen | 2.000.000 l |
| Websteed | www.bennevisdistillery.com |
De Ben Nevis is en Whiskybrennere in de Neeg vun Fort William, Invernesshire, Schottland.
Historie[ännern | Bornkood ännern]
De Brenneree Ben Nevis is na den Barg Ben Nevis nöömt, an den sien Utlöpers de Destille boet worrn is. Grünnt weer de Brenneree in’t Johr 1825 vun „Long“ John MacDonald. As he doodbleven weer, hett 1856 sien Söhn Donald de Destille wieterföhrt. Siet 1908 warrt de Hüüs vun de Nevis-Brenneree, de 1878 vun Donald P. MacDonald grünnt weer, as Lagerhüüs. 1955 is de Brenneree in den Besitt vun den kanaadschen Millionär Jospeh W. Hobbs övergahn, de en Coffey Still hett inboen laten. De is 1971 aver wedder afboet worrt. Dormit künn in en Whiskybrenneree to’n eersten mol blangen Malt Whisky ok Grain Whisky produzeert warrn. 1978 is de Produkschoon instellt worrn. 1981 weer de Brenneree an Long John Distillers un Whitbread, de 1984 wedder anfungen hebbt to produzeren. Man na twee Johren weer wedder Sluss. In’t Johr 1989 hett Nikka de Destille övernahmen, de siet 1990 wedder Whisky herstellen deit. De Destille hett en Besökerzentrum un kann besichtigt warrn.
Produkschoon[ännern | Bornkood ännern]
De Bestille höört to dat Whiskyrebeet Western Highlands, se betütt ehr Water ut’n Allt A Mhullin Burn. In de Brenneree gifft dat en Meeschfatt (mash tun) ut Eddelstahl vun 9,5 t un söss Gäärfatten (wash backs) mit tosamen 300.000 l. Brennt warrt in veer Brennblasen, dorvun twee wash stills mit tosamen 50.000 l un twee spirit stills mit tosamen 40.000 l de över Damp hitt maakt warrt.
Kiek ok[ännern | Bornkood ännern]
Literatur[ännern | Bornkood ännern]
- Charles MacLean (Rutgever): Whisky. World Guide, Regions, Distillers, Malts, Blends, Tasting Notes. Dorling Kindersley, London et al. 2008, ISBN 978-0-7566-3349-3.
- Walter Schobert: Das Whiskylexikon. Fischer Taschenbuch Verlag, Frankfort an’n Main, 2003, ISBN 978-3-596-15868-3.
- Ingvar Ronde: Malt Whisky Yearbook 2012. Mag Dig Media, Shrewsbury 2011, ISBN 978-0-9552607-8-0, S. 94.
Weblenken[ännern | Bornkood ännern]
Koordinaten:56° 50′ N, 5° 4′ W