Belgard

Vun Wikipedia
Wesseln na: Navigatschoon, Söök
De Titel vun dissen Artikel is nich op Platt. Belgard is de hoochdüütsche Naam. Den plattdüütschen Naam weet wi nich genau. Wenn du em kennst, denn vertell uns dat man. Villicht is de plattdüütsche Naam desülve as de hoochdüütsche, villicht aver ok nich.

Belgard (poolsch Białogard) is ene lütte poolsche Stadt in’n Bezirk Westpommern. Se kreeg 1299 de Lübschen Stadtrechten vun Hartog Bugslaff IV. Vör de Stadtgrünnung geev dat södelk vun de Steed vun de Stadt en Wendenborgwall mit en lütten Darp, wat de poolsche Hartog 1102 un 1107/1108 nehm. De Borg weer Residenz vun’n Hartog Wratislaw IV. De düütsche Stadt weer ene plonte Stadt, wo de Markt veer Atjen harr. Siet 1386 weer se in de Hanse un is nu ok in de Niege Hanse. In de Dörtigjohrig Orlog sunk de Bevölkerung vun 3000 to circa 1000 Minschen. Belgard harr inst en Hoben an de Persante. Dor Belgard gung in’t Medeloller ene Soltstrat vun Kolberg no’t Polen vun de Tied. Dat geev vun 1879 de Oostbohn vun Neustettin un vun 1859 geev dat hie de Hinterpommersche Eisenbahn. Siet 1945 is de Stadt in Polen, lang in de Bezirk Köslin. Siet 1999 is se wedder Kreisstadt. Belgard liggt gaud för de Wertschap un so is de Stadt ok ene Stadt, wo de Bohnhoff belangrieker is denn dat bi de Tohl vun de Inwahners to verwachten is. Joachim Utech (1889-1960), en Granitbillhuwer harr hie sien Ateljer. Utech kreeg 1957 en Deel vun siene Warken trügg. Ut Belgard weer ok de Architekt vun enige Aunsiedlungen in düütsche Steden noh de Tweet Weltorlog, Hans Bernhard Reichow. Vandage läwt in Belgard veel mier Lü denn in de düütsche Tied. Dat Hauge Dor steiht noch.