Beatrice Portinari

Vun Wikipedia
Wesseln na: Navigatschoon, Söök
Beata Beatrix - Gemälde vun Dante Gabriel Rossetti, 1864

Beatrice Portinari (* 1266; † 1290), ok as Bice Portinari bekannt, weer de Jöögdleev vun Dante Alighieri un hett sien Schaffen matgeblich beinfloot. Ut hör Leven weet man nicht völ un wat man weet, is ok noch deelwies umstreeden.

Eng verbunnen mit sein Leev to de Poesie is Dante Alighieris idealische Leev to Beatrice, de Dochter vun de ansehn Bürger, Folco de Portinari, de he 1274, man jüst negen Johr old (se sülvst weer man eerst acht), bi en Maifest in Florenz toeerst sehn harr, woröver he in sien Eerstlingswark La Vita nuova berichdt.

Vun disse Jöögsleev bleev hüm de deepste Indruck sien Leven lang un hett sück denn to de Verklärung un Bedüüden steigert, as he hör in en groot Gedicht verewigt hett.

Dante hett aber denn een of twee Johr (1291) nah Beatrices fröhen Dood Donna Gemma ut dat vörnehm Geschlecht Donati heiraadt. Dorüm meent eenig Lüüd, dat all, wat över Beatrice vun hüm schreven wurrn is, mehr symbolisch meent weer.

Nah Beatrice is laterhenn de Asteroid Beatrix nömmt wurrn.

Weblenken[ännern | Bornkood ännern]

Commons-logo.svg Beatrice Portinari. Mehr Biller, Videos oder Audiodateien to’t Thema gifft dat bi Wikimedia Commons.