Basophilie

Vun Wikipedia
Wesseln na: Navigatschoon, Söök

En Basophilie is en Anstiegen vun de Tall vun basophile Granulozyten in’t Blood. Dorbi hannelt sik dat üm en sünnere Form vun de Leukozytoos, also en Anstiegen vun de Tall vun de witten Bloodkörpers. Wieter betekent Basophilie ok de Farvegenschop vun Zellen oder de Zellorganellen bi zyto- un histologischen Ünnersöken. Disse Egenschop hett jem ok den Naam basophil geven. As basophil warrt (tomeist) sure Molekül-Gruppen in’t Geweev betekent, de sik goot mit basische Farvstoffen (t. B. blau mit Hämatoxylin in de Hämatoxylin-Eosin-Farven) anfarven laat.

Basophilie in de Hämatologie[ännern | Bornkood ännern]

Basophilen warrt in’t Knakenmark produzeert un hebbt de glieken Vörlöperzellen as Mastzellen. In’t Blood blievt se blots wenige Minuuten, denn wannert se in’t Geweev, woneem se mehrere Weken blievt.

Basophilie kummt faken tosamen mit en Eosinophilie vör. Oorsaken vun en Basophilie sünd Allergien un Hypersensitivitätsreakschonen. Butendem kummt dat bi’n Parasitismus faken to en Basophilie (Hartwormkrankheit, anner Krankheitehn dör Fadenwörm, Befall mit Teken oder Flohallergien). Ok en Hyperlipoproteinämie, also en Stoffwessel- oder endokrine Krankheit mit en Anstiegen vun de Bloodfetten, kann mit en Basophilie verbunnen wesen. De basophile Leukämie is en bannig rore Tumorkrankheit. Bi de chronisch myeloischen Leukämie kummt dat jüst so to’n Anstiegen vun de Basophilentall.