Basophil Granulozyt

Vun Wikipedia
Wesseln na: Navigatschoon, Söök
Basophil Granulozyt

Basophile Granulozyten sünd Zellen, de to de Bestanddeelen vun’t Blood höört un to de Witten Bloodkörpers (Leukozyten) tellt warrt.

De basophilen Granulozyten wiest tallrieke Granula op, de groff un nich regelmatig sünd und ünner annern Histamin un Heparin bargt. In’t Differentialbloodbild maakt se blots en lütten Andeel vun 2 bit 6 % ut.[1] De basophilen Granulozyten stammt ut dat Knakenmark, se hebbt mit de eosinophilen Granulozyten en gemeesomen Vörlöper. Wassdomsfakters för de Basophilen sünd ünner annern Interleukin-3, Interleukin-5 un GM-CSF. Dat gifft Henwiesen dorop, dat sik de Basophilen un de Eosinophilen bi’t Riepen gegensietig kontrolleert. To’n Bispeel ünnerdrückt de transformeeren Wassdomsfakter TGF in’t Biwesen vun Interleukin-3 dat Differenzeren vun Eosinophilen un föddert dat vun de Basophilen. Se hebbt en Rezepter för’t Immunglobulin E (IgE), wat to de Annahmföhrt, dat se en Rull speelt bi de Immunafwehr vun’n Weert gegen Parasiten.

Wenn jemehr Rezepters dör Allergenen, de an IgE binnt, krüüzvernett warrt, degranuleert de Basophilen un sett giftige Mediaters („Vermiddlers“) as Histamin un PAF (Plattken aktiveeren Fakter, föhrt to de Aggregatschoon vun de Thrombozyten) free. Eosinophile un Basophile Granulozyten as ok Mastzellen künnt mitenanner wesselwirken un de gegensietige Degranulatschoon noch duller maken.

De Aktiveren vun Immunzellen, de Rezepters för IgE bargt, kann en allergische Foortsreakschoon as to’n Bispeel Haufever föhren. En systemaatsch Aktiveren vun disse Zellen, d.h. en Aktiveren in’n helen Lief, kann to’n anaphylaktischen Schock föhren.

To’n Anstiegen vun de Tall vun basophile Granulozhyten (Basophilie) in’t Blood kann dat bi myeloproliferativen Krankheiten kamen, sünners bi de chroonschen myeloischen Leukämie.

Borns[ännern | Bornkood ännern]

  1. H. Emminger, T. Kia: Exaplan - Das Kompendium der klinischen Medizin Laborwerten in’n Anhang, Band 2, 5. Opl., Elsevier / Urban & Fischer, München, ISBN 978-3-437-42462-5