Bart Rouwenhorst

Vun Wikipedia
Wesseln na: Navigatschoon, Söök

Bart Rouwenhorst (* 30. Dezember 1970 in Apeldoorn) is en nedderlandschen Maler. Rouwenhorst, de siene Biller mit bArt ünnertekent, maalt vör allen realistische Biller vun Froonslüüd.


Rouwenhorst is in Apeldoorn boren un is dor ok opwussen. Later studeer he Warktüüchbokunn in Eanske, wo he 1995 mit Inschenör afsluten dee. He füng denn an en Dokterarbeit to schrieven un wull en Dokter in Logistik maken. Man he bröch dat nich toenn. Al in sien Studientiet kummt sien Intress för de Kunst dör. Mit Ronald Popma tohoop winnt he en Pries vun de Universität Twente mit en Duurzaamheidsmeter. Ünner Inwark vun Bert de Wilde fangt Rouwenhorst an, Modellen to malen.

Siet sien eerste grote Utstellung 2005 in Asten maalt Rouwenhorst vör allen ok Froonslüüd mit rood Hoor. He süht in dissen Typ Froon en Typ Fro, de wat Puret utstrahlen doot. An’n 24. September 2005 hett he denn dat eerste Roodhoorigendrepen in Asten organiseert. Roodhoorige ut de ganzen Nedderlannen kemen bieen. Dat möök ok optisch veel her un Biller vun dit Drepen weren överall in de Daagbläder in de Nedderlannen. Op’n 2. September 2007 geev dat denn en tweten Roodhoorigendag, ditmal in Breda. Den Dag geev dat ok de Premiere vun de Dokmentatschoon De schilder en zijn model vun Jac Kouwelaar över Rouwenhorst.

Roodharigendag 2005

Siet 2000 deit Rouwenhorst in de Binnenstadt vun Breda wohnen un arbeiden.

Weblenken[ännern | Bornkood ännern]