Barosaurus

Vun Wikipedia
Wesseln na: Navigatschoon, Söök
Rekonstrukschoon van en Skelett van en Barosaurus in’t American Museum of Natural History

En Barosaurus (op plöatt so veel as swoor Reptiel oder swoor Saurier) weer en Dinosaurier ut de Grupp van de Diplociden binnen dat Geslecht van de Sauropoden. Anners as annere Sauropoden lööp he op veer Poten, harr en langen Hals, en langen Steert, en freet Planten. De Barosaurus leev in dat late Jura vör üm un bi 150 Millionen Johrn. De Saurier weer so 25 m lang en so 10 Tünnen swoor.

Över sien Sozialleven menen vele Forschers, dat de Barosauriers in Herden leevt hebbt. Feend van de Barosaurus weer t.&nb sp;B. de Allosaurus. Dat weer en van de gröttsten Roofdeerten van de Tied. Verdefenderen künn de Barosaurus sick, ümdat he unbannig groot weer un sien langen Steert as en Wapen bruken künn. Schulen dee sik de Dinosaurier sachts so, dat he sik op sien Achterpoten stell. Mag wesen, dat he ok mit sien Beens pedden dee.

Kennteken van’n Barosaurus weer sien unbannig lang Hals. Welke glöövt, de Saurier bruuk sien Hals waagrecht, so dat he an en Steed stahn blieven en dorbi en grote Flach afgrasen künn. Welke glöövt, de Saurier bruuk sien Hals pielliek en künn denn ok hooch baven in de Bööm freten. Wenn he up sien Achterpoten stünn un den Hals na baven streck, denn raak he bit 16 m in de Hööchd. Bi’t Lopen heel he Hals en Hööft wohrschienlich waagrecht. So weer dat lichter för sien Hart, dat Blood dör’n Lief to pumpen.

Ünnerscheedt warrt twee verschedene Oorden: den 'Barosaurus lentus (1890 beschreven dör Othniel Charles Marsh up Grundlaag van den Holotyp YPM 429) un den Barosaurus africanus.

In dat American Museum of Natural History steiht en Skelett van en Allosaurus en twee Skeletten van Barosaurus dicht bieen. De utwussen Barosaurus steiht up sien Achterpoten en defendeert sien Lütt tegen den Allosaurus. Ok dat Royal Ontario Museum stellt en Skelett van en Barosaurus ut.